Halyqaralyq TÚRKSOI-dyń uıymdastyrýymen kórnekti uıǵyr jazýshysy, qoǵam qaıratkeri, Qazaqstannyń Halyq jazýshysy Zıa Samadıdiń 100 jyldyq mereıtoıy Túrkıanyń Neǵde jáne Ankara qalalarynda keń kólemdi atalyp ótti. Bul sharaǵa TÚRKSOI-dyń arnaıy shaqyrýymen Jazýshynyń urpaqtarynan balasy Rıza, qyzy Bılqyz bardy, sondaı-aq, ádebıet pen ónerdiń janashyry, kásipker Dilmurat Kýzıev, M. Áýezov atyndaǵy ádebıet jáne óner ınstıtýtynyń ǵalymy, f.ǵ.d. Alımjan Tilivaldy; QJO-nyń músheleri, uıǵyr ádebıeti keńesiniń tóraǵasy, jazýshy, dramatýrg Ahmetjan Ashırı; ádebıetteanýshy, f.ǵ.d. Rabık Ismaıylov; aqyn, aýdarmashy Dáýletbek Baıtursynuly sekildi qalamgerler bardy.
4 jeltoqsan Neǵde ýnıversıtetinde ótken saltanatty bas qosýǵa túrik-qazaq stýdentteri, ǵalym-ustazdary, 24 myń stýdenti bar oqý ornynyń Rektory Adnan Goror qatynasyp sóz sóıledi. Ǵalymdar Hıkmet Qorash, Ábdýrashıt Qarluq baıandama jasap, Z. Samadıdiń ómiri, shyǵarmashylyǵy, uıǵyr túrikteriniń ádebıeti týraly jan-jaqty túsinik berdi. Qazaqstannan barǵan delegat músheleri sóz sóılep, óleń oqydy. 500-den asa kisi bas qosqan zal tereń súıispenshilik, úlken qurmetpen tyńdady. Sońynda Qazaqstan jaǵy Rektorǵa shapan japsa, ýnıversıtet ujymy da Alataýdan asyp barǵan aǵaıyndaryna da úlken qurmet kórsetti.
Ertesi 5 jeltoqsan Astana – Ankaradaǵy TÚRKSOI-dyń úıinde ótken jınalysqa Qazaqstan elshisi J. Túımebaevtyń resmı ókili, elshiniń orynbasary Álimhan Esengeldıev elshiniń quttyktaýyn jetkizdi.
Túrkıanyń mádenıet mınıstriniń birinshi orynbasary Nıhat Gýl Túrksoıdyń atkaryp otyrǵan jumystary men Samadı shyǵarmashylyǵyna toqtaldy, joǵarǵy oqý oryndarynyń ǵalymdary, Hýlıa Kasapogly Chengel - Gazı ýnıversıtetiniń oqýtyshysy, Týrkıat atty ǵylymı-praktıkalyq zertteý ortalyǵynyń dırektory jalpy uıgyr adebıeti men Zıa Samadı týraly baıandama jasady. Gazı ýnıversıtetinin okytýshysy Aısýn Demırez Gúnerı Zıa Samadı shygarmashylyǵy jóninnde baıandama jasady; qazaq, uıǵyr, qyrǵyz aǵaıyndar; qoǵamdyq uıym ókilderi; stýdent jastar kóp jınaldy. TÚRKSOI-dyń Bas hatshysy Dúısen Qaseıinov myrzanyń sózinen keıin retimen sóz alǵan qatysýshylar Z. Samadıdiń san qyrly, keń tynysty, ensıklopedıst-jazýshy ekenin atap ótti. Onyń Halyq jazýshysy bolýy da tegin emes ekeni sodan shyǵar. Baıandama jasaǵan túrik ǵalymdary jazýshyny tereńinen saralaı kelip, ol kúlli túrki dúnıesiniń áıgili qalamgeri degenge toqtady. Osynaý halyqaralyq mańyzy bar jınalysty sondaǵy Qazaqstannyń ókili, jazýshy, aýdarmashy Málik Otarbaev júrgizip otyrdy. Bul sharanyń qarsańynda Z. Samadıdiń «Iparhan», A. Ashırıdiń «Idı qut» pesalaryn túrik tilinde jeke-jeke kitap bolyp basylyp shyqqanyn atap aıtýǵa bolady.
Jınalysty qorytyndylaǵan D. Qaseıinov myrza Qazaqstan ádebıetiniń bir salasy osy uıǵyr ádebıeti ekenin, Z. Samadıdiń eńbegi túrki jurtynyń rýhanı qazynasyna qosylǵan baılyq dep shegeledi. Osy jolda eńbek etip júrgen A. Ashırıge, D. Baıtursynulyna «Mahtumquly Frakı», R. Ismaıylǵa «Toqtaǵul Satylǵanov» atyndaǵy medalderdi tabys etse, ózge qonaqtardy «Dada Qorqyt» atyndaǵy belgilerimen syılady.
Arnaıy Habar TÚRKSOI-dyń qazaqstandyq ókildiginen
