Jańa jyldan bastap, Qazaqstanda kóshelerde zańsyz jolmen júrgen qaıyrshylardy, kóripkelderdi jáne jezókshelerdi ustap, 10 000 tg kóleminde aıyppul tóletedi, arysy abaqtyǵa qamaıtyn zań kúshine enbek. Bul týraly KTK telearnasy habarlaıdy.

Ákimshilik kodekstiń jańartylǵan nusqasynda « Qoǵamdyq oryndarda qaıyr tileý» týraly jańa tarmaq qosyldy. Avtobýsta, kóshelerde, sýpermarket aınalasynda qol jaıyp turǵandarǵa joaǵaryda kórsetilgendeı jaza túrleri qoldanylady. Kóshe «bıkeshteri» de bul zańnyń talabynan tysqary qalmaıtyn kórinedi. Qolyna kir-qojalaq balasyn ertip alyp, kóshe kezgender qaıyr tilemeıdi, qarjy talap etetin de jaǵdaıǵa jetken.

Qulshylyq oryndarynyń aýlasynda nemese jertólelerde turǵan kisilerdi zań aınalyp ótpek. «Jertólede turǵan adamdar, aldyna telpegin tastap nemese ydysyn jaıǵandar jurt berse berdi, bermese qolqalamasa qaıyrshylyqtyń bul túrine raqymshylyq jasalady»,- dep İİD basqarmasynyń bastyǵy Alekseı Múlık málimdedi.