Belgili pýblısıs Jandos Temirǵalı ataqty «Qan men ter» romanynyń avtory KSRO Memlekettik syılyǵynyń laýrety Ábdijámil Nurpeıisovty ádebıet bólimi boıynsha Nobel syılyǵyna usyný jóninde tilek bildirdi.

Jandos Temirǵalı : «Bul ıdeıa maǵan Qarasha aıynyń sońynda keldi. Osylaı dep usynys jasaýyma jazýshymen oılamaǵan jerden kezigip, suhbattas bolýym sebep boldy. Ábdijámil aǵa meniń aǵaıymnyń eski dosy eken. Aǵamyzdyń úıinde qonaqta bolǵanymyzda áńgimilesýdiń sáti tústi. Kitaptarymen bala kezden tanystyǵym bolǵanymen jazýshyny bul alǵash kórýim. Sóılese kele osyndaı dara tulǵalardyń tek qazaq halqyna ǵana emes búkil álem aldynda moıyndalýy kerek degen oıǵa keldim». Tipti osy ıdeıany qýattap úshin Facebook áleýmettik jelisinde arnaıy top qurǵan. 5 kúnniń ishinde 800-ge jýyq adam tirkelipti. « Men ónertanýshy retinde Ábdijámil Kárimulynyń shyǵarmalaryn joǵary baǵalaımyn. Ásirese, ol kisiniń Aral teńiziniń tragedıasy men jergilikti halyqtyń ahýaly jaıly jazǵan shyǵarmalaryn», - deıdi.

Ábdijámil Nurpeıisov 1924 jyly 22 qazanda Qyzlorda obylysy Aral qalasynda dúnıege kelgen. 1942 jyly 18 jasynda ásker qataryna alynǵan. Soǵysta Ýkraına, Baltyq jaǵalaýlaryndaǵy maıdandarǵa qatysqan. Soǵystan soń « Kýrlándıa» atty avtobıografıalyq týyndysyn jazady. 1961-1970 jyldar aralyǵynda KSRO Memlekettik syılyǵyn alyp bergen, álemniń 30-dan astam tiline aýdarylǵan «Qan men ter» trılogıasyn jazǵan. 2000-shy jyly Aral tragedıasyn kótergen «Sońǵy paryz» atty roman-dılogıasy basylyp shyqty. Bul shyǵarmasy 2003 jyly Sholohov atyndaǵy ádebı syılyqty jeńip alǵan. Usynys júzege asatyn bolsa, Ábdijámil Nurpeıisov Nobel syılyǵyn alǵan tuńǵysh qazaq bolmaq.

"QazAqparat"