Bul úndeý Qazaqstan Respýblıkasy Prezıdentiniń janyndaǵy Memlekettik basqarý akademıasynda Astana qalasynda 2014 jylǵy 9 jeltoqsanda ótken Halyqaralyq sybaılas jemqorlyqqa qarsy kúres kúnine arnalǵan sybaılas jemqorlyqqa qarsy Jastar forýmynda alǵash ret qabyldandy.
Qazaqstan – myqty memleket jáne uıymshyl ult!
Biz – Astana jastary, ósip-órkendegen jáne kemeldengen elde ómir súrgimiz keledi!
Elbasynyń sybaılas jemqorlyqqa qarsy kúresti kúsheıtý jónindegi saıasatyn tolyq qoldaı otyryp, biz Qazaqstannyń búkil jastaryna úndeý jarıalaımyz!
Sybaılas jemqorlyqqa qarsy kúrestiń Halyqaralyq kúni:
Biz:
– eldiń jáne halyqtyń ál-aýqatyn arttyrýdy;
– joǵary kásibılik jáne Otanǵa adal qyzmet etýdi;
– azamattardyń memlekettik qyzmetke degen senimin arttyrýdy;
– ashyq ári aıqyn bıznesti QOLDAIMYZ.
Bilim alý, jumys isteý, baspanaly bolý men laıyqty ómir súrip, qartaıý quqyǵyn júzege asyra otyryp, bizder – jas qazaqstandyqtar, eldiń tabystylyǵy memlekettiń qalyptasqan jumysy men azamattyq qoǵamnyń belsendi qoldaýyna baılanysty ekenin naqty túsinýimiz kerek.
Qazaqstan halqyna arnaǵan «Nurly jol – bolashaqqa bastar jol!» jańa Joldaýynda bizdiń respýblıkamyzdyń Prezıdenti Nursultan Ábishuly Nazarbaev «Jastar – bizdiń qoǵamnyń tiregi» dep taǵy da atap ótti. Bizge úlken senim artylyp jáne sybaılas jemqorlyqqa qarsy ymyrasyz kúres saıasatyna qatysýymyzdy kútedi.
Biz sybaılas jemqorlyqtyń kez kelgen kórinisterine «nóldik» tózimdilik jaǵdaıyn týǵyzýǵa, sybaılas jemqorlyqqa qarsy mádenıetti nasıhattaýǵa, jeke quqyqtyq saýattylyqty arttyryp, sybaılas jemqorlyq minez-qulyqtan adamgershilik turǵydan arylýǵa tıispiz. Bizdiń basty qaǵıdattarymyz – adal eńbek pen oqý-bilim, zańdardy qurmetteý, ádil is-qımyldar men áreketter jasaý bolýy tıis.
Bizdiń árqaısysymyz kúndelikti ómirde sybaılas jemqorlyq kórinisterine qarsy tura bilýimiz kerek!
Biz Qazaqstannyń jastaryn:
– sybaılas jemqorlyqqa qarsy is-qımyl jalpy ulttyq qozǵalysynyń ózegi bolýǵa;
– sybaılas jemqorlyqqa qarsy halyqaralyq qozǵalysty qoldaýǵa;
– Qazaqstannyń myqty negizderin nyǵaıtýǵa bar kúsh-jigerin salýǵa shaqyramyz!
Biz – Astana jastary, aıtarymyz, «Sybaılas jemqorlyqqa Jol joq!».
