Donald Tramp óziniń prezıdenttikke úmitker bolatynyn 2015 jyldyń 16 maýsymynda málim etti. «Men osy ýaqytqa deıin bolmaǵan eń qudyretti prezıdent atanamyn» dedi mýltımıllıarder. AQSH-tyń búgingi prezıdenti jaıly aıtylmaǵan shyndyq áli bar.

2015 jyly Forbes jýrnaly Donald Tramptyń baılyǵyn 4,1 mlrd. dollarǵa baǵalap, álemdegi eń baı adamdardyń tiziminen 139-oryndy buıyrdy.

2015 jyly berilgen salyq deklarasıasyna oraı Tramp 515 kompanıanyń prezıdenti nemese múshesi, odan bólek 300-ge jýyq qor oǵan ınvestısıa túrinde tabys ákeledi.

Donald Tramp kásibiniń negizgi aıasy – jyljymaıtyn múlik pen BAQ.

2016 jylǵy saılaýda úmitker ózin saıasatker retinde emes, bıznes ókili retinde kórsetpek bolǵan. «Qudaıǵa shúkir, men saıasatker emespin. Saıasatkerler áreketsiz-aq baıyp alady. Ondaılardy jaqsy bilemin», - degen edi úmitker.

Donald Tramp 10-ǵa jýyq basylymnyń avtory: «Donald Tramp. Tonı Shvars. Kelisimge kelýdiń tásilderi» (2010), «Bıikte ómir súrý» (1990), «Kúnkóris tásilderi» (1991), «Qaıta oralý – óner» (1997), «Bizge laıyq Amerıka» (2000), «Tramp eshqashan berilmek emes nemese ózimniń eń úlken máselelerimdi tabys kózine qalaı aınaldyrdym», t.b.

2016 jyldyń aqpanynda mýltımıllıarderdi álemniń Nobel syılyǵyna usyndy.

Los-Andjeleste Donald Tramptyń syılyǵy jyljymaıtyn múlikti saqtaý, eldiń, qalanyń damýyna úlken úles qosqan adamdarǵa tapsyryldy.

Tramp prezıdent atanǵan ýaqytta telejúrgizýshi Opra Ýınfıdi vıse-prezıdent etemin dep ýáde bergen, ýádesi áli oryndalǵan joq.

«Kútýshi», «Ómirimizdiń ár kúni», «Jalǵyz qalǵanda-2. Nú-Iorkte adasý», «Shalopaı», «Bererlı-Hılz hanzadasy» fılmderine túskeni úshin eki márte Emmı syılyǵyna ilikti.

«Úmitker» teleserıalyna túsip, Gollıvýdytń dańqty juldyzy atandy.

Tramp pen NBC birigip Miss Universe Organization kompanıasyn basqarady. Atalmysh kompanıa «Álem arýy», «AQSH arýy» jáne Miss Ten USA baıqaýlaryn ótkizedi.

Magnat AQSH-tan zańsyz mıgranttardy shyǵarýdy qalaıtynyn jasyrmaıdy. Sondaı-aq Meksıkamen shekarada meksıkandyqtardyń qarjysyna 8 mlrd. dollar turatyn qamal ornatýdy kózdeıdi.

Ózine qatysty aıtylǵan syndardy elemeý maqsatynda Tramp 3153 ıelik satyp alǵan.

Ózge amerıkandyq saıasatkerlerden aıyrmashylyǵy, Tramp Reseı prezıdenti Vladımır Pýtındi Obamadan da myqty saıasatker dep sanaıdy, ári Pýtınmen qarym-qatynasyn jaqsartýdy qalaıdy.

Donald Trampqa daýys berýshilerdiń kóbi – joǵary bilimi joq adamdar.

Respýblıkashyldyń saılaýaldy pýnkti – amerıkandyqtardyń jumys ornyn saqtaý maqsatynda  Qytaımen óndiristik qatynas ornatý reformasy.

1989 jyldan bastap Tramptyń kásibi bankrotqa ushyraǵan soń óziniń jeke baılyǵy úshin kúresip keledi.

Donald Tramptyń prezıdenttik kompanıasyna apta saıyn 2 mln. dollar ketedi.

Tramptyń urany – «Amerıkany qaıta qudyretti memleket etý».

Tramp úsh ret úılengen, 5 balasy bar.

Donald Tramp pen Hılları Klıntonnyń pikirtalasyn kórsetken Fox News arnasyn 24 mıllıon kórermen tamashalaǵan.

Tramp – AQSH tarıhyndaǵy prezıdentterdiń ishinde eń baı, ári tabysty prezıdent sanalady.

«Óz mansabyńdy jasaýdyń túrli ádisteri bar. Biraq eń jaqsysy – kerek jerde kerek ýaqytta dúnıege kelý!». Atalmysh sıtata qurylys magnatynyń uly Donald Trampqa tán.