Tájikstanda burynǵy vıse-prımer Djamolıddın Mansýrov qala ımamy Rahmon Safafralıevti óltirdi degen aıyppen qamaldy, dep jazady Qamshy.kz aqparat agenttigi «TadjıkTA» agenttiginiń málimetine súıenip.

Gıssar qalasynyń meshitinde ımam bolǵan Rahmon Safafralıevtiń  uly qylmystyń 1992 jyly azamat soǵysy ýaqytynda bolǵanyn málimdedi.

Birneshe kún buryn prokýratýra qyzmetkerleri men Gıssar mılısıalary ımamnyń súıek qaldyqtaryna eksgýmasıa ótkizdi. Qazirgi ýaqytta súıekke saraptama jasalýda.

Quqyq qorǵaý organdary burynǵy vıse-prımerdi ustap, tergeýge aldy.

Qaza bolǵan ımamnyń uly 1990 jyldary ákesiniń jergilikti meshitte qyzmet atqarǵanyn aıtty. 1992 jyldyń jeltoqsanynda ımamdy Gıssar aýdanynyń halyqaralyq front shtabyna shaqyrtyp, sol jerde atyp óltirgen.

«Deneni 60 rúbl tólesek qana alyp ketýge ruqsat etti», - dedi ımamnyń uly.

Eks-ákim Mansýrovtyń ózi 1951 jyly Gıssar aýdanyndaǵy Qypshaq qystaýynda dúnıege keldi. 1973 jyly Tájik memlekettik ýnıversıtetin támamdady.

Birneshe laýazymdy qyzmet atqarǵan Djamolıddın Mansýrov 2005 jyly zeınetke shyqqan.