Sút bezi isigine shaldyqqan naýqastardyń aýrý tarıhyn zerttegen dárigerler osyndaı qorytyndyǵa keldi, dep Qamshy.kz aqparat agenttigi Baq.kz saıtyna silteme jasap habarlaıdy.
Shashty jylyna alty retten kóp boıaý sút bezi isigine shaldyǵý qaýpin joǵarylatady. Bul týraly Londonnyń Princess Grace Hospital aýrýhanasynyń dárigeri, profesor Kefan Mokbel aıtqan.
Dáriger keýde isigimen aýyratyn naýqastardyń aýrý tarıhyn zerttep shyqqan. Nátıjesinde shashy boıalǵan áıelderge bul dıagnoz 14 paıyzǵa jıi qoıylatyny anyqtaldy.
«Zertteý barysynda shash boıaǵyshtyń áseri men sút bezi isiginiń arasynda statısıkalyq baılanys bary anyqtaldy. Sol sebepti men shashty jylyna alty retten az boıap, únemi mamandarǵa qaralyp otyrýǵa keńes beremin», - dedi dáriger.
Onyń aıtýynsha, eń durysy, quramynda hosh ıisti amınder konsentrasıasy tómen boıaǵyshtardy qoldaný. Al tabıǵı ıngredıentterden, máselen, ıtmuryn nemese raýǵash shóbinen jasalǵan boıaǵyshtardyń densaýlyqqa zıany joq dese de bolady.
