Jýyrda Batys Qazaqstan oblysy turǵyndaryna medısınalyq kómek kórsetetin «Salamatty Qazaqstan » poıyzy  aýdandardy aralaıtyn bolady.

Medısınalyq poıyzdyń segiz vagonynda naýqastardy tolyq tekserýge, shaǵyn ambýlatorıalyq  ota jasaýǵa, emdeý kabınetteriniń qyzmetterin kórsetýge  tolyq jaǵdaı jasalǵan jáne olar zerthanalar men dıagnostıka kabınetterimen jabdyqtalǵan. Medısına brıgadasynyń quramynda Qostanaı oblystyq temir jol aýrýhanasynyń birinish jáne joǵary sanattaǵy terapevt, pedıatr, nevropatolog, okýlıs, lor, gınekolog, hırýrg, ýrolog, tis dárigerleri bolady. Dárigerler desanty Shyńǵyrlaý beketinde naýqastardy qabyldaýdy bastap, keıin Amangeldi beketine bet almaq. «Salamatty Qazaqstan» poıyzynyń júrý kestesine saı, poıyz osy aımaqtaǵy jeti eldi mekende naýqastardy qabyldaıtyn bolady. Shyńǵyrlaý, Amangeldi, Alǵabas, Jaıyq,Peremetnyı, Tasqala, Semıglavnyı Mar beketterinde aýyl-aımaq turǵyndary dárirgerler qyzmetine júginýine bolady. Atalǵan eldi mekenderdiń turǵyndary medısına poıyzdarynda qyzmet etetin salalyq mamandardyń tekserýinen ótip, aýrýyn anyqtaı alady jáne qajetti alǵashqy kómekke  qol jetkizip, kásibı keńes alady. Dárigerlerdiń qabyldaýyna kelgende jeke kýálikti ala kelý mańyzdy.   

Medısına poıyzy dárigerler brıgadasynyń beketterdegi jumys kestesi – saǵat 9.00-den 18.00-ge deıin, túski úzilis 13.00-den 14.00-ge ge deıin. Dárigerler demalyssyz jumys isteıtinin jáne barlyq qyzmetterdiń tegin kórsetiletin bolady.

Aıta ketsek, atalmysh medısına poıyzy óz jumysyn 2017 jyly 13 sáýirde Qaraǵandy oblysynyń Jezqazǵan beketinen bastaǵan edi. Jyl sońyna deıin poıyz Qazaqstannyń ortalyq, soltústik jáne shyǵys aımaqtaryndaǵy temir jol beketterine barady.

Gúlim AQAP,

Batys Qazaqstan oblysy