QR Ulttyq bankiniń tóraǵasy Danıar Aqyshev QR Úkimeti otyrysynda teńgeniń bolashaǵy jaıly aıtyp berdi,-dep Qamshy.kz aqparat agenttigi QazAqparatqa súıene otyryp jazady.

«İshki valúta naryǵy sońǵy aılarda óte qubylmaly bolǵany belgili. Bul birinshi kezekte alypsatarlyq faktormen baılanysty boldy. Alaıda jaǵdaı birshama turaqtanyp keledi. Orta merzimdi prespektıvada ulttyq valútanyń baǵamyn anyqtaıtyn irgeli faktorlar teńge baǵamynyń kúsheıýine ákelip otyr», - dedi Aqyshev.

Ol belgili ber kezeńde sheteldik valútanyń tapshylyǵy kezinde Ulttyq bank ulttyq valútany satqanyn atap ótti. «QR Ulttyq bankiniń altyn valútalyq rezervteri 10,2%-ǵa artyp, 33 mlrd AQSH dollaryn qurady. QR Ulttyq qorynyń valútalyq aktıvteri 57 mlrd AQSH dollaryna jetti. Jalpy halyqaralyq rezervter 89 mlrd AQSH dollary boldy», - dedi Ulttyq bank basshysy. Onyń aıtýynsha, halyq arasynda aqshasyn dollarmen saqtaıtyndardyń qatary azaıyp keledi. «Ulttyq valúta aqsha saqtaýdyń quraly retinde tanymal qural bolyp otyr. Jyl basynan beri teńge depozıtteri 6%-ǵa artqany belgili boldy», - dedi Aqyshev.