Saýal: «Turǵyn úı qurylys jınaq bankine» kezekke qalaı turady? Jaýap: Basyn ashyp alatyn jaıt, «Turǵyn úı qurylys jınaq banki» júıesi boıynsha eki baǵytta qarjylandyrý júrgiziledi. Birinshisi – turǵyn úı qurylys jınaq júıesi. Ekinshisi – memlekettik baǵdarlamalardyń qatysýshysy retinde. Keıingi topqa «Qol jetimdi baspana-2020» baǵdarlamasyn jatqyzýǵa bolady. Aldymen, turǵyn úı qurylys jınaq júıesine qarjy salǵysy keletinderge keńes berelik: Turǵyn úı qurylys jınaq júıesi arqyly berilip jatqan úıden úmitti adamdarǵa ákimdikke nemese basqa da resmı oryndarǵa baryp kezekke turýdyń qajeti joq. Kez-kelgen azamat bank salymshysy bolyp tirkelgen ýaqytyna, esepshotqa jınap júrgen aqshasynyń kólemine baılanysty úıge úmit artady. Iaǵnı, bank salynyp jatqan úıdi satýǵa yǵarar kezde habarlandyrý beredi. Salymshy sol kezde tańdaǵan úıinen páter satyp alý úshin aryz beredi. Osy aryz negizinde jınaq esepshottarynyń jaǵdaıy boıynsha kezekke turady. Demek, bári salymshylardyń jınaǵan qarajatynyń kólemi men jınaq merziminiń ýaqytyna baılanysty bolyp otyr.