«Qazaqstannyń turǵyn úı qurylys jınaq banki» AQ-nyń qatysýymen baspanaly bolǵan otbasylardyń qýanyshyn bólisýdi jalǵastyramyz. Bul jolǵy kezek Aqtóbe qalasynyń turǵyndarynda. Aqtóbede «Nur Aqtóbe» atty jańa turǵyn yqsham aýdany ashylǵan bolatyn. Osyn jańa aýdannan 69 otbasyna páter kiltteri buıyrǵan bolatyn. Páter kiltterine ıe bolǵan 69 otbasynyń otyz biri — 2013 jyly bastaý alǵan «Barlyq sanattaǵy qoljetimdi baspana» (aldymen jalǵa beriletin, keıin satyp alynatyn) baǵyty boıynsha baǵdarlamanyń qatysýshysy. Qalǵany baǵdarlamanyń talaptaryna sáıkes, ýákiletti memlekettik organda tıisti qujattary tirkeýden ótip, ekinshi qaıtara tólem qabilettiligi rastalǵan tulǵalar. Búginde óz shańyraǵynda shattyq bólenip otyrǵan Gúlmıra Jumaǵalıeva bylaı deıdi: — Úsh jyl boıy jıǵan-tergenimizdi turǵyn úı qurylys jınaq bankine salyp otyrdyq. Joldasym ekeýmiz saýda jelisinde jumys jasaımyz. Eki balamyz bar. Qazir, mine, bir bólmeli páterde turyp jatyrmyz.