Ár jas otbasynda ata-ana úıinen bólek, jeke úıdi, baspanany satyp alý týraly másele týyndaıtyny anyq. Al shyndyǵynda árbir otbasy páterdi óz qarajatyna satyp ala almaıdy. «Qoljetimdi baspana 2020» baǵdarlamasy boıynsha jas otbasylardyń turǵyn úı máselesin sheshý úshin bastapqy jarnasyz sońyra satyp alýmen jáne tómendetilgen paıyzdyq mólsherlemeler boıynsha páterdi jalǵa alý múmkindigin kózdeıtin, «Jas otbasy» - baǵyty iske asyrylady. «Jas otbasy» baǵytynda qatysý úshin keıbir talaptarǵa sáıkes kelý qajet. Erli-zaıyptylardyń jasy. Ótinish berý kezinde erli-zaıyptylardyń ekeýiniń de jasy 29 jastan aspaýy tıis. Eger otbasy tolyq bolmasa, jasy boıynsha shekteý tek balany (balalardy) tárbıelep jatqan ata-ananyń birine ǵana qatysty, ol da 29 jasty quraıdy. Erli-zaıyptylyq kezeńi. Ótinish berý sátinde tirkelgen neke kezeńi 2 jyldan kem emes merzimdi quraýy tıis. Atalmysh shekteý tolyq emes otbasyna qatysty emes. Otbasynyń quramy. Otbasynyń quramyna erli-zaıyptylardyń ózderi, sondaı-aq olardyń kámeletke tolmaǵan balalary, sondaı-aq erli-zaıyptylardyń jumysqa jaramsyz ata-analary. Otbasy músheleriniń sany bolashaq páterdiń kvadratýrasyn anyqtaǵanda eskeriletin bolady, ár otbasyna 15 ten kem emes 18 sh.m. bólinedi. Eger otbasynda 3 adam tursa, onda páterdiń aýdany 45sh.m. kem bolmaýy tıis. Turǵyn úıdiń bolmaýy. «Jas otbasy» baǵyty boıynsha qatysý úshin erli-zaıyptylarda jáne otbasy múshelerinde páterdi alý boljanyp otyrǵan eldi mekende jyljymaıtyn múlki bolmaýy tıis. Tabysy. Otbasynyń jyl saıynǵy jıyntyq taza tabysy zeınetaqy aýdarymdaryn, jeke tabys salyǵyn jáne erli-zaıyptylardyń jáne balanyń (balalardyń) sońǵy 6 aıdaǵy aı saıynǵy shyǵyndaryn qospaǵanda ótinishti berer aldynda mynadaı shekte bolýy tıis: - eń tómengi –Almaty, Astana qalalary úshin – ETJ (74 640 teńge), qalǵan qalalar úshin eń tómengi kúnkóristiń 4-ese mólsheri – 3 ETJ (55 980 teńge); - eń joǵarǵy –12 ETJ kem emes (223 920 teńge). Erli-zaıyptylardyń kúndelikti shyǵyndary bir adamǵa – 15 aılyq eseptik kórsetkishter (AEK) = 25 965 teńge, bir kámeletke tolmaǵan balaǵa – 7,5 AEK = 12 982 teńgeni quraıdy. Azamattyq. Baǵdarlamaǵa qatysýshylar QR azamaty nemese oralman mártebesi bolýy tıis.