«Qazaqstannyń turǵyn úı qurylys jınaq banki» AQ óz tarapynan turǵyn úı máselelerin sheshýdiń ońtaıly joldaryn sheshýdi usynyp otyrǵany belgili. Búgingi tańda barlyq salada eńbek etetin áleýmet ókilderimen qatar, quqyq qorǵaý salasynyń qyzmetkerleri de baspana máselesin sheshý úshin osy bankke senim artyp otyr. Qazirgi ýaqytta Astanada prokýratýra qyzmetkerleri úshin 117 páterlik úıdiń qurylysyn salý iske asyrylýda. Qurylysty bir sharshy metri úshin 150 myń teńgeden aspaıtyn baǵada «Samuryq-Qazyna» jyljymaıtyn múlik qory» AQ qamtamasyz etedi.Turǵyn úı qurylysy 2014 jyldyń sońyna qaraı aıaqtalady dep kútilýde. Prokýratýra qyzmetkerleri úıdi klasıkalyq sqema boıynsha – Bankte jınaqtalǵan turǵyn úı qurylys jınaqtary jáne berilgen zaemdar esebinen satyp alady. Jalpy, qyzmetkerlerdiń baspana jaǵdaılaryn sheshýdiń mundaı joly birqatar iri óndiristik kompanıalar men búdjettik uıymdardyń basshylaryn qyzyqtyryp úlgerdi. "Qamshy" silteıdi