Shyǵys Qazaqstan oblysynda «Qoljetimdi baspana» baǵdarlamasy boıynsha salynǵan kópqabatty turǵyn úılerdiń qatary jyl saıyn artyp keledi. Byltyrǵy jyly Óskemen qalasynyń ózinde ǵana 90 myń sharshy metr turǵyn úı salyndy. Al, óńirdegi «Turǵyn úı qurylys jınaq banki» arqyly qarjy jınap, maqsattaryna jetken jańa páter ıeleriniń qýanyshtarynda shek bolǵan joq. Solardyń biri Aıdyn Sultanov. Osy ýaqytqa deıin páter jaldap kelipti. Ol áskerı qyzmetker. Aıyna 40-50 myń teńge tólep, páterden-páterge kóship júrý kimge bolsa da ońaı soqpasy anyq. Aıdyn «Turǵyn úı qurylys jınaq bankine» birer jyl aqsha jınady. Sóıtip, sý jańa 3 bólmeli páterdiń ıesi atanǵan. - Jastar úshin baspana eń basty másele ǵoı. Búgin shyn máninde baqyttymyz, osy qurylysty júrgizip, turǵyn úıler sanyn jyl sanap kóbeıtip jatqan oblys basshylyǵyna, «Turǵyn úı qurylys jınaq bankine» zor alǵysymdy aıtqym keledi, - deıdi Aıdyn Sultanov.

"Qamshy"silteıdi