«Qazaqstan turǵyn úı qurylys jınaq bankinen» esep-shot ashýǵa nıet etken jas otbasy az jyldar ishinde sý jańa baspanaǵa qol jetkizetindigine shúbásiz senedi. Óıtkeni, qazirgi kúni bank salymshysy bolý arqyly qol jetimdi turǵyn úıge ıelik etý múmkindigi joǵary. Búginderi banktiń qoldaýymen baspanaǵa qol jetkizip, otbasy baqytyna bólenip otyrǵan jandardyń úlken shoǵyry ár aımaqtan tabylady. Solardyń biri, Atyraý qalasynyń turǵyny Gúlfaırýz Ábsattarova. «Óz shańyraǵyńda otyryp shaı ishkenge ne jetsin... Páter jaldap, kóship-qonyp júrgen kúnder artta qaldy ǵoı. Birneshe jyl joldasymyz ekeýimiz úı jaldap turdyq qalada. Ekeýimizde jumys jasaımyz. Joldasym áýejaıda operator qyzmetin atqarady, men ózim mektep úıirme jetekshisi bolyp jumys jasaımyn. Eki balamyz bar. Osyndaı páterge ıe bolǵanymyzǵa óte qýanyshtymyz. Alǵysymyz sheksiz, Turǵyn úı qurylys jınaq bankine!» - deıdi ol. Aıtpaqshy, Atyraý oblysynda jyl basynan beri 5 kóp qabatty úıden 318 páter qoldanysqa berildi. Olardyń kópshiligi az qamtylǵan nemese kóp balaly otbasy, múgedekter men apatty jaǵdaıda turǵan úılerdiń turǵyndary. Jalpy bıyl aımaqta memlekettik turǵyn úı baǵdarlama aıasynda salynýy tıis qurylys óte qarqyndy júrip jatyr. Jyl aıaǵyna deıin áli 32 kópqabatty úı turǵyzylyp, 1830 páter qoldanysqa berilmek.
"Qamshy"silteıdi
