«Qoljetimdi baspana-2020» baǵdarlamasy boıynsha páter bólý onlaın rejımde ótedi Turǵyn uı qurylys jınaq banki baǵyty boıynsha «Qoljetimdi baspana-2020» baǵdarlamasynyń jumysy ashyq bolýy úshin adam faktory alynyp tastaldy. Bul týraly Almatyda ótken brıfıń barysynda «Qazaqstan turǵyn úı qurylys jınaq banki» AQ basqarma tóraǵasy Aıbatyr Jumaǵulov málimdegen bolatyn. «Qoljetimdi baspana-2020» baǵdarlamasy boıynsha baldy esepteý men páter bólý prosesiniń ashyq ótýi úshin tolyǵymen adam faktorynyń áseri alynyp tastaldy. Bankte atalǵan úderister tolyǵymen avtomattandyrylǵan, prosesti onlaın rejımde bank saıtynan qarap otyrýǵa bolady», - deıdi basqarma tóraǵasy. Turǵyn uı qurylys jınaq banki arqyly qazir úı satyp alýshylar pýlyna qatysý úshin ótinishti ınternet arqyly berýge bolady. Osy arada eskertetin jaıt: tirkeý kezinde ótinishke tıisti nómir birge bekitiledi. Pýldar boıynsha páter bólý onlaın rejımde ótip jatyr jáne barlyq málimetter banktiń saıtynda birden jarıalanýda.