Burynǵy reseılik ofıser Denıs Hısamov kolektorlardyń áleginen qutylý úshin DAISH terorıstik uıymyna kirgen dep habarlaıdy Qamshy.kz aqparat agenttigi Azattyqqa silteme jasap. Bunyń aldynda Tájikstan ishki ister mınıstrligi Hısamovtyń Túrkıadan Dýshanbege ekstradısıalanǵanyn habarlaǵan edi.
"Kommersant" jarıalaǵan málimetke qaraǵanda, 2014 jyldyń aıaǵynda Hısamov bankterdiń birinen jol talǵamaıtyn BMW satyp alý úshin nesıe týyrlaǵan. Reseı Qorǵanys mınıstrliginiń kapıtany belgisiz bir sebeptermen ol nesıeni tólemegen. Bank kollertorlarǵa júgingen, olar Hısamovqa qysym kórsetken. Sol kezde ol avtomobıldi satyp, ol aqshaǵa Tájikstannyń jalǵan tólqujatyn jasatqan. Sol arqyly Túrkıa ketip, DAISH quramyna kirgen, Irak men Sırıadaǵy áskerı qımyldarǵa qatysqan.
Hısamovtyń jaqyndarynyń biri bul uıymǵa ol ıdeologıalyq senimmen kirýi múmkin ekendigin aıtty. Basylym derekkóziniń aıtýyna qaraǵanda, sońǵy jyldary Hısamov dinmen qatty áýestengen.
Denıs Hısamov – Krasnodar týmasy, joǵarǵy bilimi bar, tehnıka ǵylymdarynyń kandıdaty. 2004-2009 jyldary Reseıdiń qorǵanys mınıstrliginde istegen. Ol bıyl sáýirde Túrkıada ustaldy.
Reseı bıligi Hısamovtyń ustalǵany týraly ázirge eshqandaı pikir bildirgen joq.
Pikir qaldyrý