Kongres ǵımaratynda AQSH prezıdenti Donald Trampqa Reseı týynyń birnesheýi laqtyryldy. Bul týraly Business Insider basylymy habarlaıdy, dep jazady Qamshy.kz aqparat agenttigi. Oqıǵa Tramptyń kongreske kirgen ýaqytynda oryn alǵan.

Business Insider basylymynyń málimetine sáıkes, prezıdentke tý laqtyrǵan Donald Trampty qoldaǵan American Take Action qozǵalysynyń múshesi Raıan Kleıton. Sondaı-aq belsendi daýystap «Tramp – satqyn! Salyqty tómendetý jaıyn emes, satqyndyqty aıtyńdar!» dep aıǵaıǵa basty.

Mundaı jaǵdaı birinshi ret bolyp otyrǵan joq. Sáýirde Pensılvanıada sóz sóılep turǵan Trampqa kamera aldynda belgisiz adam reseılik birneshe tý laqtyrǵan edi.

Aıta keteıik, AQSH-ta prezıdenttik saılaýǵa Reseıdiń qatysy bar-joǵyn anyqtaý maqsatynda tergeý jumystary júrip jatyr. AQSH-tyń arnaıy prokýrory Robert Múller Tramptyń Kremlmen qatysyn anyqtaýda. Óz kezeginde Máskeý atalmysh aıyptaýlardy joqqa shyǵarǵan.