Túrkıada qyzyna renjigen ákesi Facebook Live-te ózine qol jumsady. Ákesi qyzynyń oǵan aıtpaı jáne ruqsatyn almaı turmysqa shyǵatynyn estigennen keıin osyndaı qadamǵa barǵan dep habarlaıdy túrkıalyq BAQ.
54 jastaǵy Kaıserı turǵyny Aıhan Ýzýn jeli qoldanýshylarǵa qyzynyń turmysqa shyǵý úshin onyń batasyn almaǵanyn aıtqan.
«Meni osyndaı jaǵdaıǵa jetkizgender meniń janazama kelmeı-aq qoısyn» dedi Aıhan Ýzýn.
Onyń aıtýynsha, qyzynyń eń baqytty ári mańyzdy kúni týraly áıelinen estigen.
«Eshkim menen ruqsat suraǵan joq. Maǵan er adam sekildi qaramaıdy. Qosh bolyńdar!» dedi de tapanshanyń shúrippesin basqan.
Jeli qoldanýshylary Aıhan Ýzýndy raıynan qaıtarmaqshy bolǵan.
Aıta keteıik, Facebook-te tikeleı efırde ózine qol jumsaǵan nemese tikeleı efırde qylmys jasaý áreketteri buǵan deıin tirkelgen. Osyndaı jaǵdaılardan keıin Facebook ákimshiligine syn kóp aıtyldy. Alaıda jeli ákimshiligi ázirshe Facebook Live-ti óshirmedi.
Pikir qaldyrý