On eki jyl otbasylyq ómirden soń, meniń jan jarym restoranda tamaq ishýge jáne kınoǵa barýǵa ózge áıeldi shaqyrýymdy qalady. Ol :
- Men seni súıemin, biraq seni menen de artyq súıetin bir áıel bar... Men ýaqytyńdy sol áıelmen ótkizgenińdi qalaımyn - dedi.

Ýaqyt bólý kerek bolǵan ózge áıel - meniń Anam bolyp shyqty. Ol 19 jyldan beri bólek turatyn. Meniń úsh balam men jumysym anama kóńil bólýime kedergi bolatyn, sol úshin anda-sanda baryp turdym.
Sol túni ony keshki tamaq pen kınoǵa barýǵa shaqyrýǵa qońyraý saqtym.
- Ne boldy? Jaǵdaıyń qalaı? - dep birden surady.
Meniń anam - eger telefon kesh shyryldaıtyn bolsa, jaman habar ma dep oılaıtyndardyń qataryna jatady.
- Menimen birge ýaqyt ótkizýge qalaı qaraısyz - dep suradym. Ol bir - eki sekýnd oılanyp:
- Men ony qatty qalaımyn - dep kelisimin berdi.

Juma kúni keshke jumystan keıin anama jol tarttym, bir jaǵynan qobaljý da bar. Onyń esiginiń aldyna kelgenimde, ol da meni kútip, azdap qobaljyp turǵanyn kórdim. Ol ıyǵyna paltosyn qoıyp, shashtaryn órip, merekede syıǵa bergen ádemi kóılegin kıgen bolatyn.
- Men óz qurbylaryma, balam búgin menimen kúnin ótkizedi, birge restoranda tamaqtanamyz, artynsha kınoǵa baramyz dep maqtandym, olar tańyrqap qaldy - dep mashınaǵa minip jatyr.

Biz restoranǵa da keldik. Óte qymbat bolmasa da, ádemi, ári yńǵaıly eken.
Anashym qolymnan ustap, hanshaıymdar sekildi kele jatty. Ústelge kelgende, mázirdi oqyp berdim. Anamnyń kózi tek qana úlken jazýlardy ǵana oqı alatyn. Mázirdi oqyp bolyp, anama qarasam, anam maǵan qaraaap, kúlimsirep otyr eken.
- Kishkentaı bala kezińde, mázirdi men oqıtyn edim - dedi.
- Onda qyzmet kórsetý ýaqyty maǵan kelgen eken - dedim.

Tamaq barysynda jaqsy áńgime júrgizdik. Aıtarlyqtaı jańalyqtar bolmady. Jáı ǵana ómirimizdegi sońǵy ózgeristerdi aıtyp shyqtyq. Áńgimege kirisip ketkenimiz sonshalyqty, kınoǵa keshigip qaldyq. Keıin úıine ákegen kezde, ol:
- Senimen taǵy 1 ret restoranǵa baramyz. Biraq bul joly men shaqyramyn - dedi. Men:
- Jaraıdy, kelistik - dedim. Úıge kelgen soń áıelim:
- Kezdesý qalaı boldy?
- Óte keremet! Men oılaǵannan da jaqsy ótti.

Aradan biraz ótip anam júrek aýrýynan qaıtys boldy. Aıaq astynan boldy, men oǵan eshteńe isteı almadym.

Al, 1-2 kúnnen keıin qolyma konvert tústi, ishinde anashym ekeýmiz tamaqtanǵan restoranǵa shaqyrtý men aldyn ala tólengen qaǵazy bar. Konvertte:
- Bizdiń ekinshi kezdesýimizge aldyn ala tólep qoıdym - degen jazý bar edi.
Rasynda, senimen taǵy da tamaqtanýyma senimdi emespin. Sonda da saǵan jáne seniń áıelińe aldyn ala tóledim. Men ekeýmizdiń birge ótkizgen kúnimizdi sózben aıtyp jetkize almaımyn. "Balapanym meniń, men seni ómirimnen artyq jaqsy kóremin..."

Ata-ananyń qadirin tiri kezde bileıik, baýyrlar.... Eger ata-anańyz tiri bolsa, olarǵa jıi-jıi qońyraý shalyp, jaǵdaıyn bilip, syılyqtar syılap, kóńilin aýlap, jyly sózder aıtyp, qýanyshqa bóleıik! Ata-anamyz bizdiń úlken baqytymyz. Ata-anasy joq adamdar qanshama, olarǵa ata-ana arman, olardyń sezimin tilmen jetkizý múmkin emes! Múmkin sol sońǵy kezdesýińiz, sońǵy soılesýińiz, sońǵy múmkindigińiz bolar...