Elimizdiń «men» degen ánshileri, shoý bıznestiń juldyzdary qazaq jýrnalısıkasyna tańǵy tórtte eshqandaı SMS habarlamasyz, notasyz, kenetten shabýyl jasady. Olar baqaıshaǵyna deıin mıkrofon, áýen, notalarmen qarýlanyp, qazaq telearnalaryn basyp aldy...
Júrgizýshi jýrnalıser jan aıamaı urys salýdyń ornyna, eki qoldaryn kóterip, birden tutqynǵa tústi... Aralarynda kóńil jaralanǵandary da bar... Shabýyldaýshy ánshiler telearnalarda óz ústemdigin júrgize bastady. Bári deı almaımyz, keıbiri maǵynasyz jobalardy júrgizip, bosqa yrjalaqtap, qazaq tiliniń qadirin «atyp óltirip», jalańashtardy nasıhattap, bilgenderin istep júr. Qazaq telearnalarynyń jýrnalıs júrgizýshileri terıtorıasyn annıksıalaǵan ánshiler «basyp alǵan» jerlerin jýyq arada qaıtarmaıtyn túri bar. Shabýylshy ánshiler óz aralarynda Asha Mataıdy komandır etip saılap alypty–mys. Qatardaǵy jaýynger Móldir Áýelbekova, starshına Áıgerim Qalaýbaeva, sanıtarka Rano Ýmarova, polkovnık Tamara Asar, maıor Gúlnur  Orazymbetova, general Janar Aıjanova, morák Táýekel Músilim, efreıtor Almas Kishkenbaev jáne basqalar qazaq telearnalarynan jýyq arada sheginbeımiz dep málimdep otyr...

Qazaq jýrnalısıkasy otqa orandy. Mándi, maǵynaly, parasatty jobalar qırap, kúlge aınaldy... Gýmanıtarlyq járdem jýyq arada berilmeıtin kórinedi... Qaıran, qazaq jýrnalısıkasy, qor boldyń–aý, qaıteıin?

Muhtar SHERİM
(Dostyq ázil)