Jýyrda Ǵ. Qurmanǵalıev atyndaǵy Batys Qazaqstan oblystyq fılarmonıada «Nur Otan» partıasy bastaýysh uıymdarynyń  ókilderi  qatysqan  «Úzdik  otbasy»  baıqaýy  ótti.

«Nur Otan» partıasynyń «Baqytty otbasy – baqytty balalyq shaq» jobasy aıasynda  otbasy  qundylyqtaryn  nasıhattaý maqsatynda uıymdastyrylǵan atalmysh sharaǵa oraldyq  Jerdev, Masanǵalıev, Ihsanov, Nursultanov, Orynov, Amanqulovtardyń   januıalary qatysyp, baqtaryn synady.  Baıqaýda qazylar alqasynyń múshesi bolyp,  «Nur Otan» partıasy oblystyq fılıaly tóraǵasynyń orynbasary Gúlnaz Quljanova,  Ǵ. Qurmanǵalıev atyndaǵy oblystyq fılarmonıanyń ánshisi, «Eren eńbegi úshin» medaliniń ıegeri Jańylsyn Hasanova,   «Batys Qazaqstan oblysy múgedekteri erikti qoǵamy» qoǵamdyq birlestiginiń tóraǵasy Jumajan Qojjanov, Oral qalalyq bilim berý bóliminiń mamany Syndar Muratqyzy, «Ýralskıe reportery» gazetiniń bas redaktory Sáýle Zagıdýllına jáne «Jas Otan» jastar qanaty oblystyq fılıalynyń menedjeri  Jandos Suńǵatov bekitildi.

• Qaıyrly kún, qurmetti kórermender men baıqaýǵa qatysýshylar. Oblysta «Nur Otan» partıasynyń  34978 múshesi bolsa, 274 bastaýysh partıa uıymy bar. «Nur Otan»  partıasy «Ardagerlerdi ardaqtaıyq!», «Kedergisiz keleshek»  sekildi birneshe jobalardy júzege asyryp keledi.  Búgingi uıymdastyrylyp otyrǵan shara  jas urpaq úshin zor mańyzǵa ıe. Óıtkeni Otan – shaǵyn memleketten, ıaǵnı  otbasynan bastalady. Otbasynyń yntymaq-birligi – qoǵamnyń baılyǵy. Búgingi sharada baqtaryn  synaýǵa kelgen barsha úmitkerlerge sáttilik tileımin, - dedi «Nur Otan» partıasy BQO  fılıaly tóraǵasynyń orynbasary Gúlnaz Quljanova.

Baıqaýǵa qatysýshylar birinshi bólimde otbasylaryn tanystyrsa, ekinshi bólimde bı bılep, óleń aıtyp  ónerlerin ortaǵa saldy.  Sondaı-aq salt-dástúr boıynsha suraqtarǵa jaýap berip, úı tapsyrmasyn  da oryndady. Beınefılm arqyly   Jerdevter áýleti sportsúıer otbasy bolyp  tanylsa, ulttyq naqyshta kıingen Ihsanovtar áýleti ulttyq ónerdiń ulyqtaýshysy retinde  kópshilik qoshemetine  ıe boldy.  Al Ulystyń uly kúni - Naýryz meıramyna qatysty salt-dástúrlerdi kórsetken Masanǵalıevter otbasy men  ádemi ánderimen erekshelengen  Amanqulovtar otbasy  uıymshyldyǵymen  kópke úlgi boldy.

          Baıqaý qorytyndysy boıynsha birinshi oryndy  Masanǵalıevter otbasy jeńip alsa, ekinshi oryn Amanqulovtarǵa, úshinshi oryn Orynovtarǵa buıyrdy.

Gúlim AQAP,

Batys Qazaqstan oblysy