Rýdnyı balalar úıiniń tárbıelenýshisin memleket basshysymen kezdestirý úshin jańadan ashylǵan Kostanay Plaza saýda úıine ákeldi. Oqıǵa 8 qarashada Elbasynyń Qostanaı oblysyna is sapary barysynda oryn alǵan, dep jazady Qamshy.kz aqparat agenttigi.

«Qurmetti Nursultan Ábishuly, men sizben kezdeskenime qatty qýanyshtymyn, - dedi 7 jastaǵy Kolá Denısov. – Men kúrespen aınalysamyn, tenıske qatysamyn jáne Qazaqstannyń bolashaq prezıdenti bolǵym keledi. Siz sekildi bolý úshin ne isteýim kerek?»

«Qazaqstannyń bolashaq prezıdenti kim bolady eken dep júrsem, dál aldymda tur eken ǵoı! – dedi Elbasy balanyń basynan sıpap. – Bul bala – daıyn prezıdent!

13 qarashada «Nasha gazeta» baspasynyń tilshileri Kolá Denısovpen kezdesip, onyń prezıdentpen sóıleskendegi sezimin, áserin bilip qaıtty. Sondaı-aq ne sebepti prezıdent bolǵysy keletinin suraǵan.

«Men prezıdentti kórgende, qatty qýandym. Ol sekildi bolǵym keletinin aıttym. Ol úshin ne isteýim kerek ekenin suraǵanymda, ol estidi, biraq jaýap bermedi. Menińshe, sabaǵymdy jaqsy oqýym kerek.

Kolá búginnen bastap bolashaǵyna bet alǵan. 7 jastaǵy balaqaı Rýdnyı balalar úıiniń mańaıynda ornalasqan Múmkindik (Shans) respýblıkasynyń ákimi.

«Bizdiń balalar Múmkindik memleketinde turady. Ózimizdiń prezıdentimiz bar. Ár toptyń óz ákimi bar. Al Kolá – ákimderdiń eń kishisi», - dedi balalar úıiniń tárbıelenýshisi Flúra Sálimgereeva.

Múmkindik respýblıkasynda ákimdi memleket turǵyndary taǵaıyndaıdy. Al ol óz ornynda uzaq qalý úshin balalarǵa úlgi bolý kerek. Tárbıeshiniń aıtýynsha, Kolá – ózgelerge úlgi bolatyndaı sanaly bala. Ákimdik qyzmette bolǵanyna osymen eki aı tolǵan. Al ózge balalar ádette uzaqqa barmaıdy.