Qazaqstan Respýblıkasy Parlamenti Senatynyń kezekti jalpy otyrysynda depýtattar Qasym-Jomart Toqaevtyń tóraǵalyq etýimen «2018-2020 jyldarǵa arnalǵan respýblıkalyq búdjet týraly» zań jobasyn maquldap, túzetýler engizdi dep habarlaıdy Qamshy.kz aqparat agenttigi.
Prezıdent Nazarbaev qańtar aıyndaǵy halyqqa joldaýynda basty mindetterdiń biri retinde «Birinshi. Búdjet shyǵystarynyń tıimdiligin túbegeıli arttyrý qajet», - degen edi.
Onda, «Kelesi sheshýshi mindet – salyq-búdjet saıasatyn jańa ekonomıkalyq jaǵdaıǵa beıimdeý.
Biz 2017 jyly memlekettik damý baǵdarlamalaryn qajetti resýrstarmen tolyqtaı qamtamasyz ettik. Mınıstrlikter men vedomstvolardyń qarajatty ıgerýiniń tıimdiligin tekserý qajet.
Respýblıkalyq búdjettiń 40%-dan astamyn quraıtyn Densaýlyq saqtaý, Eńbek jáne halyqty áleýmettik qorǵaý, Bilim jáne ǵylym mınıstrlikterinen bastaý kerek. Onyń qorytyndysy boıynsha maǵan baıandalsyn.
Tıimsiz baǵdarlamalardyń qarajatyn Úshinshi jańǵyrtý mindetterin iske asyrýdy qamtamasyz etetin baǵdarlamalarǵa qaıta bólý qajet. Sondaı-aq, qarajatty naqty ekonomıkaǵa neǵurlym tezirek ári tıimdirek jetkizý úshin búdjettik rásimderdi jeńildetken jón», - dep naqty tapsyrmalar bekitilgen.
QR-nyń qarjy mınıstri Bahyt Sýltanov qarjy qujattarynyń negizgi dep tanylatyn parametrlaryn usyndy. Mınıstrdiń aıtýynsha, respýblıkalyq búdjettik jobany qalyptastyrý barysynda Parlamenttik tyńdaýda aıtylǵan esep komıtetiniń, ekonomıkalyq yntymaqtastyq jáne damý uıymynyń usynystary nazarǵa alyndy.
– Túsimniń jalpy kólemi 2018 jylǵa 8,5 trıllıon teńge bolsa, 2019 jyly – 9,1 trılıon, 2020 jyly – 9,5 trıllıon teńge dep belgilendi. Shyǵyndarǵa keletin bolsaq, 2018 jyly-9,2 trıllıon, 2019 jyly – 9,7 trıllıon, 2020 jyly – 10,2 trıllıon teńgeni quraıdy deıdi bólim bastyǵy.
Senat komıteti qarjy jáne búdjet bóliminiń tóraǵasy Olga Perepechına osy jobany talqylaý barysynda,Senattyń turaqty komıteti men depýtattary zańǵa 127,7 mlrd. teńge somasyna tolyqtyrýlar men ózgerister engizý týraly 100-den asa usynys aıtty. Sonyń nátıjesinde usynystar úshjyldyq kezeńge 85,6mlrd teńge kóleminde qoldaý tapty.
Bul usynystardy qarjylandyrýdyń qaınar kózi – 2018 jyly memlekettik rezervti 4,8 mlrd. teńgege jáne2017 jyly aıaqtalǵan Quryq portynyń qurylysy shyǵynyn 16,9 mlrd teńgege qysqartý bolyp tabylady dep kórsetti komıtet basshysy.
Onyń aıtýynsha, usynylǵan ózgerister:
1.İshki ister mınıstrliginiń qurylymdyq bólimsheleriniń logıstıkasy.
2.Gıdrometeorologıalyq qyzmet.
3.Ońtústik Qazaqstan, Qyzylorda jáne Aqtóbe oblystarynyń ekologıalyq jaǵynan qolaısyz aımaqtarynyń turǵyndaryna bereshekti óteý.
4.Qazaq álipbıin latyn qarpine kóshirý sıaqty is-sharalardy qarjylandyrýdy kózdeıdi.
Talqylaý qorytyndysy boıynsha, senatorlarmen ózgertilgen zań jobasynMájiliske jiberdi.
Qazaqstan Respýblıkasynyń Premer-Mınıstri Baqytjan Saǵyntaev zań jobasyn qoldaǵan úshin depýtattyq korpýsqa alǵysyn bildirdi. Saǵyntaev qujattyń qabyldanýy ekonomıka turaqtylyǵyn jáne damýyn qamtamasyz etetindigin, sondaı-aq Memleket basshysynyń tapsyrmalaryn oryndaýǵa kómektesetinin atap ótti. Mınıstrler kabınetiniń basshysynyń ýádesi úsh jyldyq búdjetti talqylaý barysynda senatorlar kótergen barlyq máseleler Úkimette sheshim tabatyndyǵyna sendirip otyr.
Búdjettik zańnamany jetildirý máseleleri boıynsha ózgertýler men tolyqtyrýlar engizilgen taǵy bir zań jobasy senatorlardyń Parlament Májilisine jiberildi.
Sonymen qatar, depýtattar «2018-2020 jyldarǵa arnalǵan Qazaqstan Respýblıkasynyń Ulttyq qorynan kepildendirilgen transfert týraly» zań qabyldady. Qujatqa sáıkes, 2020 jyldan bastap kepildendirilgen transfert respýblıkalyq búdjetke bekitilip, eki trıllıon teńgeni quraıdy.
