2014 jylǵy 29 jeltoqsanda Qazaqstan Respýblıkasynyń Memlekettik hatshysy Gúlshara Ábdiqalyqova Halyqaralyq Túrki akademıasyna bolyp, biregeı ǵylymı ortalyqtyń ǵylymı-zertteý qyzmetimen tanysty. Gúlshara Ábdiqalyqova Qazaqstan halqy Assambleıasynyń Jylyn, Konstıtýsıanyń 20 jyldyǵyn, Qazaq handyǵynyń 550 jyldyǵyn, Jeńistiń 70 jyldyǵyn merekeleýge daıyndyq aıasynda júrgizilip jatqan jumysqa nazar aýdardy.
Memlekettik hatshy túrki áleminiń ǵylymı jáne zıatkerlik yntymaqtastyǵyn úılestirý ortalyǵy Qazaqstan Prezıdenti N.Á.Nazarbaevtyń bastamasymen ashylǵanyn atap ótti.
Gúlshara Ábdiqalyqova Túrki akademıasy baı túrki áleminiń rýhanı-mádenı murasyn, onyń ishinde qazaq memlekettiligin, Qazaq handyǵynyń qurylýyn zerdeleýde mańyzdy rol atqaratynyn aıtty.
G.N.Ábdiqalyqova túrki halyqtarynyń tarıhı mýzeıin aralap kórdi. Munda túrki halyqtarynyń tereń tarıhy men ómirsheń órkenıetinen syr shertetin ár tarıhı kezeńniń qundy jádigerleri qoıylǵan.
Gúlshara Ábdiqalyqovaǵa túrkitaný boıynsha 32 myń kitap qory bar akademıa kitaphanasy tanystyryldy. Kitaphana qory Á.Nájip, Á.Qurysjanov, Á.Qaıdar jáne basqa da belgili túrkolog-ǵalymdardyń, majarstandyq túrkolog-ǵalym Ishtvan Qońyr Mandokıdiń 16 myń kitaptan turatyn mol murasy quraıtynyn atap ótken jón.
Memlekettik hatshy akademıany aralaý barysynda akademıanyń ǵalymdarymen jáne qyzmetkerlerimen kezdesý ótkizdi. Akademıada Qazaqstan, Qyrǵyzstan, Reseı jáne Ózbekstan elderiniń azamattary, onyń ishinde 8 ǵylym doktory, «Bolashaq» baǵdarlamasynyń 2 túlegi jumys isteıdi. 2014 jyly túrki áleminiń ózekti máselelerine arnalǵan 5 forým, 4 halyqaralyq ǵylymı konferensıa jáne 15 ǵylymı semınar ótkizdi. Akademıada 30-dan astam túrkitaný ortalyǵynyń atynan dúnıejúziniń 192 ǵalymynyń qatysýymen 36 ǵylymı-zertteý jobalar iske asyrylýda.
Jıyn sońynda Memlekettik hatshy halyqaralyq Túrki akademıasy «Qazaqstan-2050» strategıasyn, «Nurly jol – bolashaqqa bastar jol» Joldaýyn iske asyrýda, «Máńgilik El» jalpyulttyq ıdeıasyn ilgerletýde mańyzdy zıatkerlik tuǵyrnama bolyp tabylatynyn atap kórsetti.
