"Sen tamaq ishpeı de ómir súre alasyń!"  "Tamaq ishý saǵan qajet emes!" "Kúnde tańerteń: Men búgin keshegige qaraǵanda sulýmyn, jeńilirekpin degen oımen oıan", "Anoreksıa — seniń jan qurbyń, ol týraly eshkimge tis jarma". Mine, dál osyndaı tirkester men sóılemderdi áleýmettik jelilerdegi toptar men qoǵamdastyqtardan jıi kezdestirýge bolady. Mundaı toptardyń myńdaǵan oqyrmandary bar. Bul toptardyń basty maqsaty — jas qyzdardy anoreksıa aýrýyna shaldyǵyp, tamaq ishýden sanaly túrde bas tartýlaryna áser etý.

Anoreksıa —adam sanaly túrde tamaqtanýdan bas tartatyn psıhologıalyq aýytqý. Mundaı aýrýmen aýyratyndar kóbine jas jetkinshekter. Kóp jaǵdaıda mundaı adamdar 40 jasqa jetpeı ajal qushady. Jas qyzdar salmaqtary 40 keliden aspaý úshin barlyq nárse jasaýǵa daıyn. Basty maqsat – 30 kelige salmaq qa jetý.

Búgingi tańda problemaǵa aınalyp otyrǵan másele jas qyzdardyń sánbıkege uqsaǵysy kelip, óz densaýlyqtary men tánderine zardap keltirýi.  Qamshy.kz aqparat agenttigi atalmysh aýrýdyń aldyn-alý maqsatynda anoreksıaǵa ushyraǵan jas qyzdardyń oqıǵalaryn bólisýdi jón kórdi.

Margo. 20 jasta. Boıy 174 sm. Salmaǵy-35 keli.

Maǵan: Birneshe keli salmaq tastapsyń ǵoı! degen tanysymnyń aıtqan sózinen keıin aryqtaı bastadym. İsh ótkizetin dári ishtim. Biraz ýaqyttan keıin dárini qoldaný terime keri áserin tıgizdi.

Qazir jas qyz dári ishýdi toqtatty. Alaıda, keıde bir-eki danasyn iship turady eken.

Dasha. 18 jasta. 38 keli, boıy-171 sm.

Dasha anoreksıa aýrýymen 5 jyl boıy kúresip keledi. Eki ret aýrýhanada jatyp emdelgen. Qazirgi ýaqytta psıhoterapıa kýrstaryn qabyldap júr.

Taná. 18 jasta. Salmaǵy-43 keli, boıy 171sm.

Tanányń aryqtaǵysy kelmegen. Alaıda, ata-anasynyń ajyrasýy men eki úı janýarynyń ólimi ony depressıaǵa túsirgen. Tamaq ishpeı, ash júrip 38 kelige deıin aryqtaǵan. Kúnine 40 tal dári ishken eken.

Jená. 19 jasta. 43 keli, boıy-165 sm.

Jas qyz bastapqyda 90 keli bolǵan. Osy salmaqtan qazirgi salmaǵyna deıin aryqtaǵan. Ártúrli dıetaǵa otyryp, aryqtaý úshin túrli ádis-tásilderdi qoldanǵan, dári ishken. Kúnine eki qorap ish ótkizgish dári ishken ýaqyttary bolǵan.