2018 jylǵy 3 men 12 qańtar aralyǵynda QR Parlamenti Májilisiniń depýtattary Meıram Pishembaev pen Artýr Platonov Pavlodar oblysynyń halqymen kezdesedi, dep jazady Qamshy.kz aqparat agenttigi. Bul týraly primeminister.kz saıtynda habarlandy.

3 qańtarda Parlament Májilisiniń depýtattary Qalqaman aýylynyń orta mektebin, Qalqaman balalar úıin, dárigerlik ambýlatorıany, sondaı-aq Aqsý  qalasy Qalqaman aýylynyń sý tartqysh ýchaskesin aralap kórdi.

Kezdesý barysynda óńirdiń áleýmettik-ekonomıkalyq damýynyń basymdyqty máseleleri talqylandy. Atap aıtqanda, muǵalimderdiń jalaqysyn kóterý, Qalqaman aýylynda shlagbaým qurylǵysy bar temirjol ótkelin salý máseleleri qozǵaldy, sondaı-aq Pogranıchnık aýylynda sýmen qamtý jelilerin jóndeýge respýblıkalyq búdjetten qarajat bólý máseleleri qaraldy.

Jumys sapary aıasynda depýtattar «Nurly jol» memlekettik baǵdarlamasy nysandarynyń jaı-kúıin zertteýge, sondaı-aq azamattardy ózderiniń zań shyǵarý qyzmeti týraly aqparattandyrýǵa nıetti. Taıaý kúnderi M. Pishembaev pen A. Platonov Pavlodar, Ekibastuz qalalaryna, Qashyr, Maı, Sharbaqty aýdandaryna, sondaı-aq Pavlodar oblysynyń birqatar aýyldyq okrýgterine barady dep josparlanǵan.