"Eýrazıa" birinshi arnasynan kórsetiletin "Qalaýlym" baǵdarlamasy boıynsha tekseris áli de júrgizilip jatyr. Bul týraly QR aqparat jáne komýnıkasıalar mınıstri Dáýren Abaev aıtty, dep habarlaıdy Qamshy.kz aqparat agenttigi Sputnik Qazaqstanǵa silteme jasaı otyryp.

"Qalaýlym" baǵdarlamasy boıynsha tekseris áli júrip jatyr. Buǵan qatysty arnaıy jaýap beremiz, daıyndap jatyrmyz. Bir sheshimin tabamyz dep oılaımyn", — dep jaýap qaıyrdy mınıstr qysqa da nusqa. 

Aıta ketsek, ótken jyldyń qarasha aıynda tanymal bloger Aıgúl Orynbek aqparat jáne komýnıkasıalar mınıstri Dáýren Abaevtan "Qalaýlym" baǵdarlamasyn telearnadan kórsetpeýdi suraǵan bolatyn. Mınıstr myrza atyshýly tok-shoý  jaıynda alǵash ret estigenin jáne onyń mazmunyn tekserýge ýáde bergen edi.

Qazirgi tańda "Qalaýlym" baǵdarlamasy "Eýrazıa" birinshi arnasynan áli de kórsetiledi.