Ońtústik Koreıanyń Phenchan qalasyna ótip jatqan olımpıada jarysynda áıel arasyndaǵy bıatlon saıysynan 4h6 estafetalyq jarysta Belarýs komandasy birinshi boldy. Atalmysh eldiń quramasynda Dınara Álimbekova esimdi qazaq qyzy da bar, dep jazady Qamshy.kz aqparat agenttigi.

Aıta ketsek, Dınara Álimbekovanyń ákesi - qazaq, anasy - belarýs ultynan. Sportshy 1996 jyly Qaraǵandy oblysy Abaı qalasynda dúnıege kelgen. Úsh jasynda Belarýs eline qonys aýdarǵan sportshy qyz kishkentaı kezinen bıatlonmen aınalysqan.

Phenchandaǵy HHİİİ qysqy Olımpıada oıyndarynda bıatlonnan áıelder arasyndaǵy 4h6 shaqyrymdyq estafetalyq jarysta jeńiske jetken Belarýs quramasynda Dınara Álimbekovamen birge Nadejda Skardıno, Irına Krıvko jáne Dará Domracheva esimdi sportshylar bar.