UFC-diń juldyzy Konor MakGregordyń segizburyshqa qashan oralatyny belgili boldy, dep habarlaıdy Qamshy.kz aqparat agenttigi Qsport.kz portalyna silteme jasap.

Jeńil salmaqta UFC chempıony bolǵan ırlandıalyq Konor MakGregordyń kezekti jekpe-jegi kúzde ótýi múmkin. Bul týraly UFC prezıdenti Dana Ýaıt aıtty.

«Konor kúzde, qyrkúıek aıynda segizburyshqa qaıta oralady dep oılaımyn. Habıb-Fergúson jekpe-jeginiń nátıjesin kúteıik. Osy ekeýiniń qaı jeńgenimen MakGregordyń tóbeleskenin qalaımyn», – dedi Dana.

Habıb Nýrmagomedov pen Tonı Fergúson arasyndaǵy kezdesý 7 sáýir kúni AQSH-tyń Nú-Iork qalasynda ótedi. Sportshylar UFC-diń jeńil salmaqtaǵy chempıonyn anyqtaıdy. Al Konor oktagondaǵy sońǵy jekpe-jegin 2016 jyly Eddı Alvareske qarsy ótkizip, qarsylasyn nokaýtqa jibergen bolatyn.