Saıasattanýshy, «Samuryq-Qazyna» AQ ombýdsmeni Nurlan Erimbetov dúnıeden ozdy.

Ol em qabyldaý úshin Ulttyq onkologıa jáne transplantologıa ǵylymı ortalyǵyna jatqyzylǵan. Naýryzdyń 20-nan 21-ine qaraǵan túni baqılyq boldy.

Nurlan Kenjebekuly Erimbetov 1960 jyly 28 mamyrda dúnıege kelgen.

1979-1983 jyldary Máskeý memlekettik mádenıet ınstıtýtynda oqyǵan.

1985-1997 jyldary Qyzylorda qalalyq mádenıet bóliminiń meńgerýshisi, Qyzylorda oblystyq mádenıet komıteti bóliminiń meńgerýshisi, Qyzylorda oblystyq mádenıet komıteti tóraǵasynyń birinshi orynbasary, QazSSR Memlekettik mádenıet komıtetiniń basqarma bastyǵy qyzmetinde boldy.

1997-2004 jyldary Qyzylorda oblysy ákiminiń orynbasary qyzmetin atqardy. 2004-2005 jyldary «Otan» partıasy saıası keńesiniń hatshysy boldy. 2006 jyldan «Mádenı maıdan» qoǵamdyq birlestiginiń tóraǵasy qyzmetin atqardy. 2007-2010 jyldary Qazaqstan gýmanıtarlyq-saıası konúnktýra ortalyǵynyń atqarýshy dırektory, «AıtPARK» qoǵamdyq-saıası ıntelektýaldy klýbynyń negizin qalaýshy ári moderatory boldy.

2012 jyldan bastap «Samuryq-Qazyna» ulttyq ál-aýqat qory» Aksıonerlik Qoǵamy janyndaǵy «Áleýmettik áriptestik ortalyǵy» KQ-nyń bas dırektory.

2013 jyldan bastap «Qazaqstannyń Azamattyq Alánsy» zańdy tulǵalar birlestiginiń prezıdenti boldy.