QR Prezıdenti Nursultan Nazarbaev qazaqstandyqtardy Ulystyń uly kúni – Naýryz meıramymen quttyqtady, dep jazady Qamshy.kz aqparat agenttigi.

«Kele jatqan kóktem men jaqsylyqtyń merekesi - Naýryz meıramy barsha qazaqstandyqtarǵa qutty bolsyn! Meniń Jarlyǵymmen Naýryzdy úsh kún toılaıtyn bolamyz. Baǵzy zamannan kele jatqan mereke Táýelsizdikpen birge qaıta oraldy. Táýelsizdikti alǵaly beri osy Naýryzdy atap kele jatyrmyz. Bul meıram túbinde bizdiń  jańajyldyq merekemiz bolady. 1 qańtardy I Petr Batys Eýropadan alyp kelgen edi. Ony da toılaımyz. Biraq bizdiń negizgi merekemiz - kún men túnniń teńeletin, tabıǵat oıanatyn kez», - dep atap ótti N.Nazarbaev.

Buǵan qosa Elbasy Táýelsizdik jyldary ishindegi halyqtyń jaǵdaıyn jaqsartýǵa arnalǵan mańyzdy máselelerdi eske salyp, áli de atqarylar sharýanyń kóp ekenin eskertti.

«Táýelsizdiktiń 26 jylynyń ishinde biz kóp sharýany bitirdik. Onyń barlyǵy el birliginiń arqasy. Qazirdiń ózinde álemde bolyp jatqan ózgeristerge baılanysty bizde arnaıy baǵdarlamalar bar. Tehnologıalyq revolúsıa dep jatyrmyz. Oǵan da arnaıy baǵdarlama bar. Rýhanı jańǵyrý baǵdarlamasyn osyǵan deıin atap óttim. Jaqynda men halyqqa «5 áleýmettik bastama» týraly úndeý jarıaladym», - dedi Memleket basshysy.

Aıta keteıik, Elbasy búgin Astanadaǵy Kongres ortalyǵynda Naýryz meıramyna arnalǵan «Jańarǵan jer, baq qonǵan nurly el» atty jańa múzıkldi tamashalady.