AQSH-tyń Qazaqstandaǵy elshisi Djordj Krol Qazaqstan Respýblıkasynyń memlekettik tilin qalaı meńgerip júrgenin aıtty. 

«Qazaq tilinde quttyqtaý meniń ıdeıam, alaıda tildi erkin meńgermegendikten qıyn. Men tyrysyp júrmin, máselen «Búgin Naýryz kúni qutty bolsyn, Ulystyń Uly kúni qutty bolsyn, aq mol bolsyn!». Búgingi meıramǵa oraı aıta alatynym – osy ǵana. Biraq men qazaq tilin úırený úshin arnaıy kýrstarǵa barmaǵanmyn. Buǵan deıin Ózbekstandaǵy elshi bolyp júrgenimde tildi úırenýge ýaqyt bolǵan joq. Al Ózbekstanda elshi bolmaı turyp, ózbek tilin úırenýge ýaqytym boldy. Men qazaq tilinde ózbek aksentimen sóıleımin», - dedi Djordj Krol tengrinews.kz tilshisine bergen suhbatynda.

Elshiniń aıtýynsha, ol qazaq tilin ózi, eshqandaı kýrstarǵa barmaı úırenip júr.

«Búgin Facebook-tegi paraqshamyzda elshiliktiń Naýryzdy toılap jatqan vıdeosyn kórýlerińiz múmkin», - dedi ol.