Taldyqorǵanda Qazaqstan jazýshylar odaǵynyń aımaqtyq fılıaly ashyldy. Eldegi eń iri shyǵarmashylyq uıymynyń Jetisý jerindegi bólimshesin aqyn Erlan Júnis basqaratyn boldy, dep habarlaıdy Qamshy.kz aqparat agenttigi. Bul jaıynda Qazaqstan Jazýshylar odaǵynyń Facebook jelisindegi paraqshasynda habarlandy.
Búgin jetisýlyq zıaly qaýym ókilderine fılıaldyń jańa dırektoryn odaq tóraǵasynyń birinshi orynbasary Aqberen Elgezek tanystyrdy. Kezdesý sońynda aqyn-jazýshylar basqarma fılıalynyń jas ári jańa basshysyna zor senim bildirip, qyzmetine tabys tiledi.
Poezıada ózindik qoltańbasyn qalyptastyrǵan aqyn endi jetisýlyq qalamgerlerdiń múddesin qorǵaýǵa qyzmet etpek. Ári túrli ádebı is-sharalardy uıymdastyrý jumystarymen aınalysady.
Erlan Júnistiń esimi óleń súıer qaýymǵa jaqsy tanys. Ol «Haýas», «Úmit jyrlary» sıaqty birneshe jyr jınaqtarynyń avtory. 2006 jyly Halyqaralyq «Shabyt» festıvalinde gran-prı men Prezıdent kýbogyn jeńip alǵan. Memlekettik syılyq pen «Daryn» syılyǵynyń ıegeri.
Aıta keteıik, óńirde Odaqtyń 120-dan astam múshesi bar.
Pikir qaldyrý