Kemerovodaǵy  «Zımnáá vıshná» saýda úıinde shyqqan órtte barlyq otbasy múshelerinen aıyrylǵan balaǵa psıholog pen jaqyndary ata-anasy, qaryndasy men ájesi qaza bolǵanyn estirtti, dep habarlaıdy Qamshy.kz aqparat agenttigi. 

Olar balaǵa qaıǵyly jańalyqty estire almaı biraz qınalǵan.  Máskeýdiń bas jasóspirimder psıhıatry Anna Portnovanyń aıtýynsha, balanyń týystary men psıhologtar balamen sóılesýdiń ońtaıly ádisin tańdady.

11 jastaǵy Sergeı otbasynan aıyrylǵanyn estigende jylaǵan, biraq birden esin jıyp, endi kimmen turatynyn suraǵan.

Aıta keteıik, «Zımnáá vıshná» saýda úıinde shyqqan órtte terezeden sekirgen jasóspirimniń barlyq otbasy músheleri órtte kóz jumdy. 11 jastaǵy Sergeıdiń ata-anasy, ájesi men qaryndasy qaza boldy.  Jergilikti  BAQ-tyń málimetinshe, olar saýda ortalyǵyna balalardyń birine bas kıim alýǵa barǵan. Balalarǵa arnalǵan alańqaıda órt bastalǵanda eshqaısysy shyǵatyn esikti taba almaǵan. Ákesi Sergeıdi 4-qabattan ıtergen, qalǵany sekirip úlgermegen.