Nysandy tekserý kezinde medısınalyq ortalyqtyń dırektory V. Motorykın premer-mınıstrge mekeme jumysy týraly aıtyp, júrekke kúrdeli operasıalardy júrgizýge múmkindik beretin Innova IGS 530 jańa angıografıalyq qondyrǵyny kórsetti. B. Saǵyntaev Býbnovskıı ortalyǵyna barǵan kezde osynda engizilgen kınezıterapıa ádisterimen jáne ońaltýǵa arnalǵan jańa quraldarmen tanysty.
Búgingi tańda «Qazaqmys» korporasıasynyń medısınalyq ortalyǵynda 1200-den astam adam, onyń ishinde 124 dáriger (joǵary sanattaǵy 45 dáriger), 800-den astam medbıke jumys isteıdi. Ortalyq densaýlyq saqtaý oryndaryna qyzmet kórsetý, kásibı dárigerlik tekserý, shuǵyl, ambýlatorlyq-emhanalyq, stasıonarlyq medısınalyq kómek kórsetý, dárihana qyzmetterimen aınalysady. Tósek oryndarynyń sany — 300, emhanada qabyldaý — kúnine 1000 adamǵa deıin.
2004 jyly «Qazaqmys» korporasıasy men Fraıbýrg ýnıversıtettik klınıkasy arasynda medısına salasynda birlesip jumys atqarý týraly kelisimge qol qoıyldy. Onyń negizinde emdeý jáne qyzmet kórsetý salasynda eýropalyq standarttar engizilýde, birlesken jobalar júzege asyrylyp jatyr. Medısınalyq ortalyqtyń birqatar dárigeri Germanıada dárigerlik tájirıbeden ótýge ruqsat aldy.
