Búgin «Qazmedıa ortalyǵynda» «Sıfrly Qazaqstan» memlekettik baǵdarlamasy aıasynda «Qazaqstan» teleradıokorporasıasynyń «Qazaqstan TV» mobıldi qosymshasynyń tanystyrylymy ótti dep jazady Qamshy.kz aqparat agenttigi. 

Sharaǵa «Qazaqstan» RTRK Strategıalyq marketıń departamentiniń jetekshisi Jannur Aıdarbekova men qosymshany júzege asyrǵan kompanıa basshysy Abaı  Serǵazıev qatysty. Atalmysh qosymsha arqyly kórermen korporasıa quramyna kiretin «Qazaqstan», «balapan» jáne «Qazsport» telearnalarynyń teleónimderin joǵary sapada tikeleı efırde kórý múmkindigine ıe bolmaq. Iaǵnı, kez-kelgen jerde, kez-kelgen ýaqytta qalaǵan baǵdarlamalaryn tikeleı efırdiń braýzeri arqyly kirip tamashalaýǵa bolady.

Strategıalyq marketıń departamentiniń jetekshisi Jannur Aıdarbekovanyń aıtýynsha:  «Sıfrlandyrý - ýaqyt jáne zaman talaby. Elbasymyz óz Joldaýynda aqparattyq-tehnologıalyq sheshimderdi engizý qajettigin aıtqan bolatyn. Bizdiń korporasıa da osy tyń bastamadan tys qalmaýdy kózdep otyr.  Bul qosymsha arqyly árbir qazaqstandyq ózine qajetti baǵdarlamany saqtaý fýnksıasy arqyly júktep alyp, ózine yńǵaıly ýaqytta kóre alady. Sondaı-aq, bul qosymshada basqa da fýnksıalar bar».

Aıta keteıik, «Qazaqstan TV» qosymshasynyń erekshelikteri: joǵary sapaly tikeleı efırdiń qoljetimdiligi, baǵdarlamalardy saqtaý múmkindigi, baǵdarlamany yńǵaıly ýaqytta kórý múmkindigi, jańalyqtardy aýdıo arqyly  tyńdaý jáne ózge de fýnksıalardan turady. 

Endi «Qazaqstan TV» qosymshasynyń kórermenderi teleradıokorporasıa quramyna kiretin «Qazaqstan», «balapan» jáne «Qazsport» telearnalarymen qatar, «Qazaq radiosy», «Shalqar radiosy», «Astana» jáne «Classic» radıolaryn da elimizdiń ár buryshynan tyńdaı alady. Aıta keteıik, «Qazaqstan TV» qosymshasy AppStore jáne Play Market  servısterinde qoljetimdi.