Almaty qalasynyń Óńirlik komýnıkasıalar qyzmeti alańynda «Qazaqstan Respýblıkasynda tehnıkalyq retteýdegi metrologıa jáne akredıtteý júıesin jetildirý» taqyrybynda baspasóz konferensıasy bolyp ótti. Brıfıńke QR Investısıalar mınıstrligi Tehnıkalyq retteý jáne metrologıa komıtetiniń Almaty qalasy boıynsha departamentiniń basshysy Saýyqbek Qapaev qatysyp, belgilengen taqyryp aıasynda oı órbitti.
Departament basshysynyń aıtýynsha, QR Investısıalar jáne damý mınıstrligi tehnıkalyq retteý júıesin jańǵyrtý boıynsha eldiń ishki naryǵyn ónimderden, onyń ishinde tehnıkalyq reglamentterdi buzý men óndirilgen azyq-túlik ónimderin qorǵaý maqsatyndaǵy, birqatar sharalardy atqarady.
– Tehnıkalyq retteý júıesin jetildirýdi eki kezeńde júrgizý josparlanyp otyr. 1-kezeń, 2018 jyl – standarttaý, metrologıa, akredıtteý júıesin jetildirý. 2-kezeń, 2019 jyl – memlekettik baqylaý júıesi men sáıkestikti baǵalaý salasyn jetildirý. Bul rette standarttaý júıesin jetildirý maqsatynda ótken jylǵy jeltoqsanda Parlament Májilisinde birinshi oqylymda maquldanǵan «Standarttaý týraly» Qazaqstan Respýblıkasynyń jańa Zańy daıyndaldy. Halyqaralyq tájirıbege sáıkes, ulttyq standarttaý erikti salany – sapany retteıdi, al tehnıkalyq retteý salasy mindetti túrde retteledi. Qabyldanatyn zań jobasynan kútiletin nátıjeler: Standarttaýdyń ulttyq júıesin úılestirý jáne ólshemderdiń birtutastyǵyn halyqaralyq modelmen qamtamasyz etý. Konsensýstyq ulttyq standarttardy qabyldaý jáne olardyń rólin arttyrý. Otandyq ónimderdiń básekege qabilettiligi úshin jaǵdaı jasaý. Innovasıalardy jáne tehnologıalar transfertin yntalandyrý, – dep atap ótti ol.
Aıta keteıik, Parlament Májilisiniń birinshi oqylymynda qoldaý kórsetiletin Metrologıa salasyndaǵy «Ólshem birligin qamtamasyz etý týraly» zańnamaǵa túzetýler engizý arqyly standarttar men ólshem quraldaryn kalıbrleýden jáne memlekettik metrologıalyq baqylaýǵa jańa tásilderdi engizý men kalıbrleýden ótý qarastyrylǵan. Jańa qurylymǵa sáıkes, memlekettik organdar memlekettik retteý týraly ólshemder tizbesin bekitý boıynsha quzyretke ıe bolady.
Al ýákiletti organ – NQA-de jáne metrologıalyq talaptaryn belgileıdi.
Memlekettik organdar ázirlegen normatıvtik-quqyqtyq aktiler metrologıalyq saraptamadan ótedi, ony Memlekettik ǵylymı metrologıa ortalyǵy júzege asyrady, atalǵan fýnksıany «Qazaqstan metrologıa ınstıtýty» RMK atqarady.
– Jańa jáne jetispeıtin aýdandar úshin testileý bazasyn keńeıtý boıynsha jumys júrgizilýde. QR Kásipkerlik kodeksine ózgerister men tolyqtyrýlar engizý aıasynda ónimniń sáıkestigin rastaýdy júzege asyratyn akredıtteý sýbektisiniń jaýapkershiligin kúsheıtý maqsatynda «Sáıkestikti rastaý salasyndaǵy akkredıtteý týraly» QR Zańyna ózgerister engizý qarastyrylýda, – dep sózin qorytyndylady Saýyqbek Áripuly.
Serik Jumabaı
Almaty aqshamy
