Vİ shaqyrylymdaǵy qala máslıhatynyń HXVİİ sesıasy barysynda Elbasynyń bıylǵy Joldaýy men Bes áleýmettik bastamalary aıasynda Almaty qalasynyń 2018 jylǵy búdjeti naqtylandy. Búdjetti ońtaılandyrý jumystaryn júrgizý jáne salyq túsiminiń artýy arqasynda qosymsha 64,7 mlrd. teńge qarastyryldy.
Megapolıstiń bul jolǵy búdjeti mańyzdy jobalardy eskere otyryp, barynsha áleýmettik sıpatqa ıe bolmaq. Dálirek aıtqanda, Prezıdenttiń «Bes áleýmettik bastamasyn» júzege asyrýda «Almaty jastary» qalalyq baǵdarlamasy bıyl da jalǵasyn tabady. Jas otbasylardyń alǵashqy jarnasyz jáne 5 paıyzdyq nesıemen turǵyn úı alýy úshin 2 mlrd. teńge bólinedi.
2859 balany qamtıtyn jekemenshik balabaqshalarda mektep jasyna deıingi bilim berýde memlekettik tapsyrysty ulǵaıtýǵa 850 mln. teńge bólindi. Áleýmettik jaǵynan az qamtylǵan otbasylardyń 4 myńnan astam balalary jazǵy demalystarǵa jiberiledi.
Uly Otan soǵysy ardagerlerine Jeńis kúni qarsańynda bir ret beriletin áleýmettik kómektiń kólemi 150 myńnan 250 myńǵa deıin, al olarǵa teńestirilgenderge 30 myńnan 50 myń teńgege deıin kóbeıtý qarastyrylǵan. UOS ardagerlerine aı saıyn kórsetiletin kómek retinde kommýnaldyq qyzmet aqysyn tóleý 5,5-ten 6,5 AEK-ke jetken. Áleýmettik jaǵynan az qamtylǵan azamattardyń úıine gaz tartý (jeke úıdiń ıesi) bir núktege ketetin shyǵyndy bir rettik 100 paıyz kóleminde óteý qarastyrylǵan. Jumyspen qamtý baǵdarlamasy boıynsha jyl aıaǵyna deıin 3 myńnan astam adam jumyspen qamtamasyz etilmek. «Sıfrly Qazaqstan» baǵdarlamasyn júzege asyrý barysynda bıylǵy jyly mektepter jedel ınternetpen jáne kompúterlik tehnıkamen 100 paıyz qamtylady. Qalanyń barlyq densaýlyq mekemelerine aqparattyq júıe engizilip, esepteý formasy qaǵazsyz formatqa kóshiriledi.
Almaty – zıatkerlik kólik júıelerin engizý jáne kólik quraldaryn aqparattandyrý boıynsha elimizde aldyńǵy qatardan kórinýde. Qazirdiń ózinde qala aýlalary men demalys oryndaryna 115 myńnan astam beınebaqylaý kameralary ornatylǵan. Búgingi tańda kólik qozǵalysyndaǵy aıyppuldar elektrondy túrde rásimdeledi. Jyl sońyna deıin aıyppul tóleý júıesi men qylmystyq istiń jartysyn elektrondy formatqa kóshirý qolǵa alynbaq.
«OŃAI» elektrondy jolaqy tóleý boıynsha 24 mlrd. teńgeniń 460 mln. tranzaksıasy jasaldy. «A-Parking» jobasy qalanyń kólik turaǵynyń 10 paıyzyn ǵana qamtyp otyr. Sonyń ózinde salyq túsimi 6 esege ósti. Bıyl megapolıste aqyldy baǵdarshamdy ornatý arqyly jol trafıgin basqarýdyń biregeı ortalyǵyn qalyptastyrý qolǵa alynady. Sonymen qatar, sel qaýpiniń sıfrly monıtorıńi boıynsha JSQ jasalady.
Kólik salasyn reformalaý aıasynda ústimizdegi jyly qalanyń avtobýs parkiniń úshten biri jańarady. Mysaly, «Almatyelektrotrans» JSHS 199 avtobýs alýǵa qarjy bóldi. Al Green Bus company» JSHS 200 avtobýsty jańartsa, jeke tasymaldaýshylar 131 qoǵamdyq kólikti jańamen aýystyrmaq. Jalpy, sońǵy eki jyldyń ishinde qala baǵyttary boıynsha 500 jańa avtobýs jolǵa shyqty. Reısterdiń jıiligi 90 paıyzǵa artyp, avtobýstardyń júrý jıiligi 3 esege qysqardy.
Qalany abattandyrý jáne shahardyń turǵyn úı-kommýnaldyq sharýashylyǵyn kórkeıtý aıasynda ortalyqtandyrý qaǵıdasy boıynsha Medeý, Bostandyq, Túrksib jáne Jetisý aýdandarynyń saıabaqtary retke keltiriledi. «Ylken jáne Kishi Karasý» ózenderiniń jaǵalaýlaryn, jerasty ótpeli joldardy qaıta jasaý úshin qarjy bólindi.
Salystyrmaly túrde ótken jyly 455 aýla jóndelse, 2018 jyly qalanyń barlyq aýdandarynda taǵy 585 aýla jańarady. Budan ózge, «TÚKSH-ti jańǵyrtý» jobasy aıasynda 130 úı keshendi jóndeýden ótedi.
