Jýyrda Oral qalasyndaǵy Óńirlik komýnıkasıalar qyzmeti alańynda oblystyń turǵyn úı-kommýnaldyq sharýashylyǵy salasynyń búgingi jaı-kúıi men damý múmkindikteri talqylanǵan jıyn ótti. Basqosýǵa oblystyq energetıka jáne turǵyn úı-kommýnaldyq sharýashylyǵy basqarmasynyń basshysy Ǵalym Orynǵalıev jáne «Jaıyqjylýqýat» AQ bas dırektory Murat Baımenov qatysty.
Oblystyq energetıka jáne turǵyn úı-kommýnaldyq sharýashylyǵy basqarmasynyń basshysy Ǵalym Orynǵalıevtiń bergen málimeti boıynsha basqarmanyń 2017 jylǵy búdjeti 8,9 mlrd. teńgeni (respýblıkalyq jáne jergilikti búdjet esebinen) quraǵan. Bólingen qarajat aýyldyq eldi mekenderdi gazdandyrýǵa, «Nurly jol» memlekettik baǵdarlamasyn júzege asyrýǵa, aýyz sýmen qamtamasyz etý qunyn sýbsıdıalaýǵa jáne basqa da maqsattarǵa baǵyttalǵan. 2018 jylǵa basqarma búdjeti 4,2 mlrd. teńge kóleminde bekitildi. Kúni búgin oblysta jylytý maýsymy shtattyq rejimde ótýde. Áleýmettik nysandar qatty jáne suıyq otynmen qamtamasyz etilgen. «Jaıyqjylýqýat» AQ rezervinde 1 215 tonna mazýt bar. Kelesi jyly oblystyń eldi mekenderin gazdandyrý aıasynda áleýmettik baǵyttaǵy 127 nysandy kógildir otynmen jylytýǵa aýystyrý josparlanýda. Sonymen qatar barlyq komýnaldyq kásiporyndar apatty-tehnıkalyq brıgadalarmen jabdyqtalyp, materıaldyq resýrstar rezervi quryldy. 2018 jyly eldi mekenderdi gazdandyrýǵa búdjetten 1,464 mlrd. teńge bólindi (respýblıkalyq búdjet – 1,357 mlrd. teńge, oblystyq búdjet – 0,107 mlrd. teńge). Bólingen qarjyǵa 9,7 myń turǵyny bar 24 eldi mekendi tabıǵı gazǵa qosý josparlanýda. Olar Bókeı ordasy aýdanyndaǵy Jıekqum, Jambyl, Kókterek, Bórli, Tereńqudyq, Keńoı, Uıaly, Saraljyn, Shońaı, Seıitqalı, Taıǵara aýyldary, Aqjaıyq aýdanyndaǵy Jańajol, Tegisjol, Jambyl, Bitik, Úshtóbe, Sarman, Bıtileý, Toǵan, Qaraǵaı, Aqbulaq, Eski Esim aýyldary, Jánibek aýdanyndaǵy Ónege aýyly jáne Zelenov aýdanyndaǵy Fakel aýyly. Aǵymdaǵy jyldyń qorytyndysy boıynsha oblys halqynyń gazben qamtylý kórsetkishin 95,4% nemese 612,3 myń adamǵa kóterý josparlanýda. Sonymen qatar 2018 jyly 4,4 myń turǵyny bar 14 eldi mekendi gazdandyrý úshin qurylys jumystary bastaldy. Olar Qaztalov aýdanynyń Kishkene shal, Taldyqudyq, Kishi Taldyqudyq, Beıisterek, Kómekshi, Kókterek, Orazǵalı, Juldyz, Serik, Saryqudyq, Qaıshaqudyq, Taldyapan, Qosoba aýyldary; Zelenov aýdanynyń Fakel aýyly. Bul nysandardaǵy qurylys 2018-2019 jyly aıaqtalmaq. Sondaı-aq aǵymdaǵy jyly Qaztalov aýdanynyń 15 eldi mekenin gazdandyrýǵa JSQ jasaqtaý úshin oblystyq búdjetten 7 mln. teńge bólindi (jalpy quny – 101,0 mln. teńge). Qurylys merziminiń ýaqyty 2019-2021 jyldar aralyǵynda.
Brıfıńte sóz alǵan «Jaıyqjylýqýat» AQ bas dırektory Murat Baımenov bıylǵy jylytý maýsymynyń esh apatsyz tynysh ótkendigin atap ótti.
