Aǵymdaǵy jylǵy 26 sáýirde Almaty qalasynda Ujymdyq qaýipsizdik týraly shart uıymyna zańsyz kóshi-qonǵa qarsy kúres máselesi boıynsha múshe-memleketterdiń quzyrly organdary basshylary Úılestirý keńesiniń 21 otyrysy ótti.
2018 jyly UQSHU Ujymdyq qaýipsizdik keńesiniń tóraǵalyǵyn Qazaqstan Respýblıkasy júzege asyrady.
Otyrysqa UQSHU-ǵa múshe-memleketter, atap aıtqanda Qazaqstan, Reseı Federasıasy, Belarýssıa, Qyrǵyzstan jáne Tájikstan elderiniń ókilderi qatysty.
Qazaqstan Respýblıkasynyń delegasıasy İshki ister mınıstriniń orynbasary, polısıa general-maıory Erlan Týrgýmbaevtyń basshylyǵymen qatysty.
«Qazaqstan Respýblıkasy Orta Azıadaǵy Reseı Federasıasy baǵytynda tranzıttik memleket bolǵandyqtan vıza jáne shekara asyp ótý tóńireginde birshama máseleler týyndaıdy. Ótkizilgen is-sharalar nátıjesinde Qazaqstan Respýblıkasynyń kóshi-qon zańnamalaryn jetildirý maqsatynda jáne shetel azamattarynyń el aýmaǵyna kelý prosesterin jeńildetý úshin birqatar ózgerister engizilgendigi talqylandy. Qazaqstanǵa ınvestorlar men týrıserdi kóptep tartý úshin kóshi-qon rásimderi jeńildetilip, el aýmaǵyna zańsyz keletinderge qatysty zań talaptary kúsheıtildi. Atap aıtsaq, ótken jyly Qazaqstan Respýblıkasynyń kóshi-qon zańnamasyn buzǵan úshin 109 myń 872 shet el azamaty ákimshilik jaýapkershilikke tartylyp, 13 myń 685 azamat sot sheshimimen el aýmaǵynan alastatyldy», - dep málimdedi Erlan Turǵumbaev.
Otyrysta UQSHU-ǵa múshe-memleketterdegi kóshi-qon jaǵdaıyna qatysty máseleler, zańsyz kóshi-qonǵa qarsy júrgizilgen sharalardyń tıimdiligi, Tájikstan Respýblıkasy men Aýǵanstan Islam Respýblıkasynyń shekaralas aýdandarynda qalyptasqan jaǵdaılar jan-jaqty talqylandy.
Sondaı-aq, iri halyqaralyq jáne sportttyq is-sharalarǵa daıyndyq jáne ótkizý kezindegi (Qazaqstan Respýblıkasyndaǵy «EKSPO-2017» kórmesi jáne Reseı Federasıasyndaǵy fýtbol boıynsha ÁCH-2018) zańsyz kóshi-qonnyń jolyn kesý, kóshi-qon salasyndaǵy qaýipsizdikti qamtamasyz boıynsha jumys tájirıbesi zerdelendi. UQSHU-ǵa múshe-memleketterdegi kóshi-qon salasynda redamıssıa týraly kelisimshart jáne basqa da ekijaqty kelisimder jasasý baǵytyndaǵy tájirıbeler de ortaǵa salyndy.
