QR Investısıalar jáne Damý mınıstrligi Azamattyq avıasıa Komıteti ushaq ishinde tártip buzǵan jolaýshylarǵa qandaı jazalar qoldanylatynyn jarıalady.

Vedomstvoda QR Ákimshilik quqyq buzýshylyq týraly Kodeksine sáıkes áýe kemesiniń bortynda tártip erejelerin buzǵan adamdarǵa qandaı sharalar qoldanylatyny týraly ınfografıka jarıalanǵan.

«Máselen, salon ishinde júrip-turýǵa, áýe kemesin aspanǵa kóterip nemese jerge túsirip jatqan ýaqytta turyp turýǵa tyıym salynady. Erejege baǵynbaǵan jaǵdaıda 3 AEK (aılyq-eseptik kórsetkish) kóleminde aıyppul salynady. », - delingen komıtet habarlamasynda. Al ushaq bortynda shylym shekken jolaýshyǵa 200 AEK kóleminde aıyppul salynady nemese 15 táýlikke deıin ákimshilik tutqynǵa alynady», - delingen komıtet habarlamasynda.

Ekıpaj músheleri men jolaýshylardyń ómirine qaýip tóndirip nemese ar-namysyna tıetin áreketterge barǵan jolaýshy da 200 AEK kóleminde aıyppul tóleıdi.

Buǵan qosa áýe kemesi bortynda ózge jolaýshyǵa til tıgizip, balaǵattap, qorqytsa 10 AEK kóleminde aıyppul salynady nemese 10 táýlikke ákimshilik qamaýǵa alynady.

Ushaq ishindegi múlikke qasaqana zalal keltirý nemese ony áýe kemesinen alyp ketý áreketterine 200 AEK aıyppul nemese 15 táýlikke ákimshilik tutqynǵa alynady.