Eýropalyq Ýnıversıtetter Asosıasıasynyń (EÝA) Taǵaıyndaý jónindegi komıteti ál-Farabı atyndaǵy QazUÝ rektoryn atalmysh halyqaralyq uıymnyń prezıdenti laýazymyna usyndy.

Asosıasıanyń shtab-páteri Brússel qalasynda ornalasqan jáne ol Eýropadaǵy 800 jetekshi ýnıversıtetterdi biriktiredi. Onyń qyzmeti eýropalyq ýnıversıtetterge zamanaýı qajettilikterge jáne joǵary halyqaralyq standarttarǵa saı tıimdi damýǵa kómektesýge baǵyttalǵan. EÝA prezıdenti ǵylym men bilimniń kórnekti qaıratkerleri arasynan úsh jylǵa bir ret saılanady.

Kásipqoı, progresıvti kóshbasshy, kórnekti ǵalym jáne kóptegen ǵylymı-bilim berý jobalarynyń bastamashysy retinde Ǵalym Mutanov halyqaralyq akademıalyq qoǵamdastyqta keńinen tanymal. Eýropa keńistiginde ǵylym jáne bilim salasyndaǵy halyqaralyq yntymaqtastyqty nyǵaıtyp, damytqany úshin QazUÝ rektory Polsha Respýblıkasy qyzmet ordeniniń Kavaler kresi, Fransıanyń Pálma butaǵy akademıalyq ordeni, «Bilim jáne ǵylym salasyndaǵy kórnekti eńbegi úshin» atty ataýly altyn medalimen jáne basqa da marapattarǵa ıe bolǵan.

Onyń kandıdatýrasyn birqatar tanymal ýnıversıtetter qoldady. Mysaly, Reseı halyqtar dostyǵy ýnıversıtetiniń rektory Vladımır Fılıppov, Reseı Federasıasynyń burynǵy Bilim jáne ǵylym mınıstri, Eýropalyq ýnıversıtetter qaýymdastyǵynyń Bas Hatshysyna joldaǵan qoldaý hatynda Akademık Ǵalym Mutanov Asosıasıanyń prezıdenti laýazymyna taǵaıyndalǵan jaǵdaıda, EÝA-ny pozıtıvti keleshek kútip turǵanyna shynaıy senim bildirdi. Onyń jetekshiligimen QazUÝ álemdegi aldyńǵy qatarly ýnıversıtetterdiń birine aınaldy, - dep aıtylǵan RHDÝ rektorynyń joldaýynda.

Qazaqstan ókiliniń joǵary laýazymǵa usynylýy memlekettiń joǵary bilim júıesindegi jetistikteriniń álemdik deńgeıde tanylýynyń jarqyn kórinisi.