Qazaq tilindegi «100 jańa oqýlyq» mańyzdylyǵy jaıly joba qatysýshylarynyń biri aıtyp ótti.
Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń ǵylymı jumystar boıynsha prorektory, fılosofıa ǵylymdarynyń doktory Saǵadı Bólekbaev «Qazaq tilindegi 100 jańa oqýlyq» jobasyn iske asyrǵan toptyń birinde eńbek etip keledi.
Búgin Remı Hesstiń «Fılosofıa boıynsha 25 negizgi kitap: Taldaý men pikirler» oqýlyǵynyń qazaq tilindegi nusqasy shyǵaryldy. Oqýlyqty fransýz tilinen Aıymjan Ryskıeva men Áset Qurambek aýdarǵan. Al basylymnyń ǵylymı redaktory fılosofıa men tildiń bedeldi mamany, fılosofıa ǵylymdarynyń doktory Dáýletbek Raev bolsa, Saǵadı Bólekbaev jaýapty redaktory qyzmetin atqarǵan.
«Kitap adam men qoǵam oıynyń qalyptasý barysyn ashady. Fılosofıa tarıhyn adam oılaýynyń damý tarıhy deýge bolady. Bul kontekste kóptegen fılosoftar eńbek etken jáne arqaısysy óz eńbeginiń nátıjesin qaldyrǵan. Platon mahabbat týraly aıtsa, Arıstotel - saıasat pen etıka, al Kant baqyt nuryna bólengen Avgýstın men dindi tanýǵa óz septigin tıgizse, Karl Marks ıdeologıany zerttegen. Adamnyń oıy men fılosofıanyń damýyna bul salanyń árbir kórnekti azamaty óz úlesin qaldyryp ketken», - deıdi Saǵadı Bólekbaev.
«Kóne fılosofıadan alyp mura qalǵan. Olardyń basym bóligi orys ne ózge tilderde saqtalǵan. Sol sebepti stýdentterdiń ony tolyq oqyp, úırenýine múmkindik joqtyń qasy. Aýdarylǵan kitaptyń kómegimen stýdentter adam oıynyń efolúsıasyna jáne fılosofıalyq oılardyń damýyna qysqa da nusqa sholý jasaýǵa múmkindik alady», - deıdi ol.
Onyń aıtýynsha, JOO stýdentteri fılosofıa, sana, rýhanıat salalaryndaǵy qyzyq ári mańyzdy jańalyq ashý úshin ózge tilden aýdarýǵa esh ýaqyt jumsamaı, qol jetkize alady. Oǵan qosa, fılosofıa boıynsha qazaq tilindegi oqýlyqtar búginde tapshy.
«Árıne, oqýlyqtardyń orys tilindegi nusqalary bar. Biraq ony ekinshi tilden aýdarsaq, kitaptyń maǵynasy, ereksheligi men artyqshylyǵy joǵalady», - deıdi fılosofıa ǵylymdarynyń doktory.
Onyń aıtýynsha, oqýlyq fılosofıa sabaqtarynda qoldanylmaq. Sonymen qatar, aımaqtaný jáne saıasattaný syndy gýmanıtarlyq salalardy qamtıdy.
Oqýlyq taralymy - 10 myń. Sondaı-aq, onyń elektrondy nusqasy da qoldanylýǵa berilmek. Al JOO-da oqýlyq 1 qyrkúıekten qoldanylýǵa beriledi.
Albert Ahmetov
