Iranda Májilis parlamentiniń depýtattary AQSH-tyń týyn órtedi. Tý qaǵazdan jasalǵan. Irandyqtardyń bul áreketine AQSH prezıdenti Donald Tramptyń «Amerıka ıadrolyq kelisimnen shyǵady» degen málimdemesi sebep bolǵan.

Buǵan qosa depýtattar «Amerıka joıylsyn!» degen úndeýlerin aıtty.

Reuters agenttiginiń deregine súıensek, májilis ókili Álı Larıjanı amerıkalyq basshynyń sheshimin «dıplomatıalyq shoý» dep atady. Vashıngtonnyń ıadrolyq kelisimnen shyqqanyn ózine de, búkil álemge de qaýip tóndiredi dep esepteıdi Álı Larıjanı.

Buǵan deıin Iran Donald Tramptyń AQSH-tyń Tegeranmen Iran ıadrolyq baǵdarlamasyn damytý kelisiminen shyqqanyn «tarıhı qatelik» dep ataǵan.

Iran prezıdenti Hasan Roýhanıdiń málimdeýinshe, AQSH kelisimniń jalǵyz múshesi emes, sol sebepti Iran Tegeranmen birge kelisimge otyrǵan qalǵan alty derjavanyń ustanymyn kútken jón dep sheshken.

Aıta keteıik, 8 mamyrda Donald Tramp AQSH-tyń Irannyń ıadrolyq baǵdarlamasy jónindegi birlesken josparynan shyǵatynyn habarlaǵan.

«Kelisim Iranǵa óziniń ıadrolyq baǵdarlamasyn keńeıtýge ǵana jol ashty. Ol kelisimde mańyz joq. Irannyń ýádesi ótirik ekenin biz dáleldeı alamyz. Bul beıbitshilik ákelmegen birjaqqty kelisim boldy. Ol eshqashan beıbitshilik ákelmeıdi. Men bul kelisimniń qalýyna jol bersem, onda ol búkil Taıaý Shyǵysta ıadrolyq qarýlaný jarysyna alyp keledi. Men AQSH-tyń ıadrolyq kelisimnen shyqqanyn jarıalaımyn», - degen edi Tramp.