8 mamyrda Kann kınofestıvaliniń ashylý saltanaty ótedi. 19 mamyrda aıaqtalatyn sharaǵa Qazaqstannan segiz kınokartına qatysady.

Negizgi tizimge Sergeı Dvorsevoıdyń «Aıka» fılmi engen. Bul kınony Qazaqstan, Reseı, Polsha, Germanıanyń bes kompanıasy túsirgen. «Aıkany» túsirýge qazaqstandyq prodúser Gúlnár Sársenova da qatysqan. Ol buǵan deıin Dvorsevoımen birge jumys istegen.

Kann festıvalinde «Aıka» Qazaqstan atynan usynylǵan. Reseılik Sergeı Dvorsevoı Shymkent qalasynyń týmasy. 1990 jyldary Reseıge kóship ketken.

«Aıka» - Máskeýde bala týyp, ony perzenthanada tastap ketken qyrǵyzstandyq mıgrant qyz týraly drama.

Kınofestıvaldyń «Erekshe kózqaras» nomınasıasyna qazaqstandyq rejıser Ádilhan Erjanovtyń shartty ataýy «11 yqshamaýdandaǵy atys» degen fılmi qatysady. Mahabbat hıkaıasyna negizdelgen bul fılm Kann festıvaline Qazaqstan men Fransıanyń birikken jumysy retinde usynylady.

Budan bólek festıválde rejıserlar Olga Korotko, Venera Qaıyrjanova, Berik Jahanov, Alma Baımuratova, Ásel Aýshakımova jáne Jannat Alshanovalardyń fılmderi kórsetiledi.