Golden Boy Promotions kompanıasynyń prezıdenti Erık Gomes Gennadıı Golovkınniń promoýteri Tom Lófflermen kezdeskenin málim etti, dep habarlaıdy inform.kz. 

Eki boksshynyń ókilderi GGG men Saýl «Kanelo» Alvares arasyndaǵy ekinshi jekpe-jekti uıymdastyrýdy óz basymdyqtary dep esepteıdi.

«Biz daıynbyz. Oǵan barlyq sharttar týraly aıttyq. Bul sharttar birinshi jekpe-jektegideı, tek az ǵana ózgeris engizdik. Qazir onyń habarlasqanyn kútip otyrmyn. Biz asyqpaımyz, biraq kútetin ýaqyt taıaýda bitedi. Biz aıdyń aıaǵyna deıin barlyǵyn kelisip alýymyz kerek», - dedi Gomes.

Boksshylardyń remachy 15 qyrkúıekke josparlanǵan. Qazaqstandyq pen meksıkalyq 5 mamyrda aıqasýy kerek bolǵan, alaıda Alvarestiń dopıng-testen ótpeı qalýyna baılanysty jekpe-jek keıinge qaldyryldy.