Birinshi orta salmaqta baq synaıtyn qazaqstandyq kásipqoı boksshy Qanat Islam 14 tamyzda japon boksshysy Ioshıhıro Kamegaımen (27-4-2, 24 KO) judyryqtasady, - dep habarlaıdy Vesti.kz. Jekpe-jek AQSH-tyń Kalıfornıa shtatynda ótedi. Al qaı qalada jáne qaı arenada bolatyny ázirge belgisiz.   

35 jastaǵy japon boksshysy ótken jyldyń tamyz aıynda pýerto-rıkalyq boksshy Mıgel Kottomen judyryqtasqan. Tóreshiler sheshimi boıynsha qarsylasyna ese jibergen. Karsonda ótken bul kezdesýde WBO tujyrymy boıynsha chempıondyq bos belbeýge talasqan edi.      

Ioshıhıro Kamegaı kásipqoı boksta 33 jekpe-jek ótkizgen. 27 ret jeńiske jetken. 24 qarsylasyn nokaýtpen utqan. 4 ret jeńilip, 2 ret qarsylasymen teń túsken.  

Aıta keteıik, Qanat Islam aqpan aıynda tanymal menedjer Egıs Klımaspen kelisimge kelip, AQSH-taǵy jattyǵýyn bastaǵan edi.  

Qanat 2011 jyldan beri kásipqoı boksta qazaq eliniń atynan baq synap keledi. Al oǵan deıin Qytaı elinde júrip Olımpıada oıyndarynyń (2008 jyly) jáne álem chempıonatynyń (2007 jyly) qola júldegeri atandy.  

Qazaq boksshysy sońǵy kezdesýin 2017 jyldyń 9 qyrkúıeginde Astana qalasynda ótkizip, kanadalyq Brendon Kýkty (18-1, 11 KO) toǵyzynshy raýndta tehnıkalyq nokaýtpen jeńgen edi. Osylaısha otandasymyz WBO NABO jáne WBA Inter-Continental chempıondyq belbeýlerin saqtap qalǵan-dy.