«Qazaq Banki» AQ aksıoneri Baqyt Ibragım jáne «RBK» Banki»AQ basqarma tóraǵasynyń burynǵy keńesshisi Jomart Ertaev bir is boıynsha kúdikti bolyp otyr. Bul týraly QR memlekettik qyzmet isteri jáne sybaılas jemqorlyqqa qarsy kúres agenttiginiń baspasóz qyzmeti habarlady.

Sybaılas jemqorlyqqa qarsy kúres agenttigi «Bank RBK» AQ-nyń asa iri kólemde qarjysyn jymqyrdy degen kúdikpen basqarmanyń burynǵy keńesshisi Jomart Ertaev pen «Qazaq Banki» AQ aksıoneri Baqyt Ibragımdi kináli dep tapty. Qazirgi tańda atalǵan is boıynsha tergeý amaldary júrgizilip jatyr»,-dep habarlady vedomstva.

«Aldyn ala tergeý barysynda Qylmystyq kodekstiń 190-babynyń 2-bóligi, 2-bólimi (iri mólsherdegi alaıaqtyq) boıynsha qylmystyq áreketterin júrgizý úshin jetkilikti dálel jınaldy, - delingen habarlamada.

«Ertaev pen Ibragım shetelde tergeý organdarynan jasyrynyp júrgendikten, olarǵa halyqaralyq izdeý jarıalandy. Ibragım 23 sáýirde Germanıadaǵy Frankfýrt Maında, Ertaev 8 mamyrda Máskeýde ustaldy. Bas prokýratýra Reseı men Germanıanyń quzyretti organdaryna olardy Qazaqstan Respýblıkasyna ekstradısıalaý týraly ótinishter jiberdi», - dep atap ótti agenttik ókili. Osy tusta Jomart Ertaevtyń Reseıdiń azamattyǵyn suraǵanyn esterińizge salamyz.

QR qylmystyq kodekstiń 201-babynyń 1-tarmaǵyna sáıkes tergeýge qatysty basqa aqparattar ázirge qupıa bolyp otyr.  

Esterińizge salamyz, osyǵan deıin prezıdent Nazarbaev eldegi Eksımbank, Qazaqbank jáne Astana Banktyń jaǵdaıy jóninde: «Bank menedjerleri basqarý jumystaryn durys júrgizbeı, ábden qaryzǵa batqan», — degen bolatyn. Qazaqbank-tyń jumysynyń álsireýin bank ókilderi 2013-2016 jyldardaǵy «sapasyz nesıelermen» baılanystyrady. Ol kezde bankti Jomart Ertaev pen Ibragım Baqyt basqarǵan edi.