QR Densaýlyq saqtaý mınıstrligi menıngıtke qarsy dári men vaksınanyń qymbat bolmaýyn jáne alyp-satýshylyq bolmaýyn qadaǵalap otyrady. Bul týraly mınıstr Eljan Birtanov málimdedi, - dep habarlaıdy Tengrinews.kz.
"Ázirge eshqaı jerde (áskerıler, stýdentter jáne basqalary) vaksınasıa bastalǵan joq. Sebebi Densaýlyq saqtaý mınıstrligi bul sheshimdi qoldamaıdy. Immýndaý komıtetibul sheshimdi qabyldaǵan joq. Vaksına bólshek jelide satylyp jatyr. Vaksınanyń baǵasy qymbat, basqa vakısnalar sekildi. Negizi bul óte qymbat farmasevtıkalyq taýar. Búginde baǵanyń ósip ketpesi úshin, alyp satý bolmasy úshin biz barlyq júıelerdi qoldanyp jatyrmyz. Búgin-erteń osy máselemen tolyqqandy jumys isteıtin bolamyz", - dedi mınıstr.
Onyń aıtýynsha, Qazaqstanda menıngıt aýrýymen aýyrǵan adammen baılanysta bolǵan 4136 adam profılaktıkalyq antıbıotıkterdi qabyldap jatqan kórinedi.
"Naýqaspen baılanys baryn anyqtaý qıyn. Alaıda qazirgi ýaqytta barlyq jumystar istelinip, bizdiń sanıtarlyq qyzmet baılanysta bolǵan adamdardy anyqtady. Bizdiń keıbir áriptesterimiz olardy profılaktıkalyq antıbıotıktermen emdeý kerekdep sheshim shyǵarǵan. Bul durys emes, emdeýdiń áserin baqylaý qajet", - dep naqtylady mınıstr.
Eske sala keteıik, keshe, 3 maýsymda Almaty oblysynda 19 jastaǵy qyzdyń menıngokok ınfeksıasynan qaıtys bolǵany habarlanǵan edi. Sondaı-aq, búgin Qyzylordada 27 jastaǵy er adamnyń menıngokok ınfeksıasynan qaıtys bolǵany aıtyldy. Menıngıt nesimen qaýipti jáne odan qalaı qorǵaný kerek?
